Airteagal 7 Cóireáil threasach

Áiritheoidh na Ballstáit go gcomhlíonfaidh sceitheadh ó ghléasraí cóireála fuíolluisce uirbigh ina gcóireáiltear fuíolluisce uirbeach le hualach 150 000 p.e. agus níos mó agus nach mbaintear feidhm iontu as an gcóireáil threasach an 1 Eanáir 2025, sula sceitear isteach in uiscí glactha iad, na ceanglais ábhartha maidir le cóireáil threasach i gcomhréir le Cuid B agus Tábla 2 d’Iarscríbhinn I faoin:

Faoin 31 Nollaig 2027, bunóidh agus foilseoidh na Ballstáit liosta limistéar ar a gcríoch atá íogair ó thaobh eotrófaithe de. Áireoidh siad in éineacht leis an liosta sin faisnéis maidir le cé acu atá nó nach bhfuil na limistéir íogair ó thaobh fosfair nó nítrigine de, nó iad araon. Tabharfaidh siad an liosta sin cothrom le dáta gach 6 bliana ag tosú ón 31 Nollaig 2033.

Gan dochar do mhír 1, áiritheoidh na Ballstáit go gcomhlíonfaidh sceitheadh ó ghléasraí cóireála fuíolluisce uirbigh ina gcóireáiltear fuíolluisce uirbeach ó cheirtleáin 10 000 p.e. agus níos mó, sula sceitear isteach iad i limistéir a áirítear sa liosta dá dtagraítear i mír 2, na ceanglais ábhartha maidir le cóireáil threasach a leagtar amach i gCuid B agus Tábla 2 d’Iarscríbhinn I faoin:

Féadfaidh na Ballstáit maolú ar an spriocdháta dá dtagraítear i mír 3, pointe (d), ar feadh 8 mbliana ar a mhéad ar choinníoll:

Aon sceitheadh fuíolluisce uirbigh dá dtagraítear i míreanna 1 agus 3, comhlíonfaidh sé na ceanglais ábhartha i gCuid B agus Tábla 2 d’Iarscríbhinn I i gcomhréir leis na modhanna chun faireachán agus meastóireacht a dhéanamh ar thorthaí a leagtar síos i gCuid C d’Iarscríbhinn I. Beidh meán bliantúil na samplaí le haghaidh gach paraiméadair dá dtagraítear i dTábla 2 d’Iarscríbhinn I i gcomhréir leis na luachanna paraiméadracha ábhartha a leagtar amach sa tábla sin.

Maidir le gléasraí cóireála fuíolluisce uirbigh atá á dtógáil, a bhfuil athchóiriú mór á dhéanamh a mhéid a bhaineann lena gcóireáil threasach nó a coimisiúnaíodh tar éis an 31 Nollaig 2020 agus roimh an 1 Eanáir 2025, beidh feidhm ag na ceanglais a bhaineann leis an bparaiméadar nítrigine dá dtagraítear san Airteagal seo 5 bliana ar a dhéanaí ó na spriocdhátaí a bhunaítear i míreanna 1 agus 3.

Tugtar de chumhacht don Choimisiún gníomhartha tarmligthe a ghlacadh i gcomhréir leis an nós imeachta dá dtagraítear in Airteagal 27 chun Cuid C d’Iarscríbhinn I a leasú chun na modhanna chun faireachán agus meastóireacht a dhéanamh ar thorthaí maidir le cóireáil threasach a oiriúnú don dul chun cinn eolaíoch agus teicneolaíoch.

De mhaolú ar mhíreanna 3 agus 5, féadfaidh na Ballstáit a chinneadh, i gcás gléasra cóireála fuíolluisce uirbigh aonair atá lonnaithe i limistéar a áirítear ar an liosta dá dtagraítear i mír 2, nach bhfuil sé le bheith faoi réir na gceanglas a leagtar amach i míreanna 3 agus 5 i gcás inar féidir a léiriú gurb ionann luach chéatadán íosta an laghdaithe ar an ualach iomlán a théann isteach sna gléasraí cóireála fuíolluisce uirbigh go léir sa limistéar sin agus:

Maidir le sceitheadh ó ghléasraí cóireála fuíolluisce uirbigh is ionann agus 10 000 p.e. agus níos mó a théann isteach i ndobharcheantar de chuid limistéar atá íogair i leith an eotrófaithe agus atá ar áireamh ar an liosta dá dtagraítear i mír 2, beidh an sceitheadh sin faoi réir mhíreanna 3, 5 agus 8 freisin.

Áiritheoidh na Ballstáit go gcomhlíonfaidh sceitheadh ó ghléasraí cóireála fuíolluisce uirbigh atá lonnaithe i limistéar a áirítear sa liosta dá dtagraítear i mír 2 tar éis ceann amháin de na nuashonruithe tráthrialta ar an liosta a cheanglaítear faoin mír sin na ceanglais a leagtar síos i míreanna 3 agus 5 laistigh de 7 mbliana ón limistéar a bheith curtha sa liosta sin.

I gcás nach slánuimhir é líon na ngléasraí cóireála fuíolluisce uirbigh is gá a uasghrádú chun na cuspóirí dá dtagraítear i míreanna 1 agus 3 ar an leibhéal náisiúnta a bhaint amach, déanfar líon na ngléasraí cóireála fuíolluisce uirbigh a shlánú go dtí an tslánuimhir is gaire. I gcás comhfhad idir dhá shlánuimhir, déanfar an líon a shlánú síos.