Artikolu 7 Trattament terzjarju

L-Istati Membri għandhom jiżguraw li l-iskariki minn impjanti tat-trattament tal-ilma mormi urban li jittrattaw ilma mormi urban b’tagħbija ta’ 150 000 e.p. u aktar, u li ma japplikawx trattament terzjarju fl-1 ta’ Jannar 2025 jissodisfaw, qabel ma jiġu skarikati f’ilmijiet riċeventi, ir-rekwiżiti rilevanti ta’ trattament terzjarju f’konformità mal-Parti B u t-Tabella 2 tal-Anness I:

Sal-31 ta' Diċembru 2027, l-Istati Membri għandhom jistabbilixxu u jippubblikaw lista ta' żoni fit-territorju tagħhom li huma sensittivi għall-ewtrofikazzjoni. Għandhom jinkludu ma' dik il-lista informazzjoni dwar jekk iż-żoni humiex sensittivi għall-fosforu jew għan-nitroġenu jw it-tnejn. Għandhom jaġġornaw dik il-lista kull sitt snin mill-31 ta' Diċembru 2033 'il quddiem.

Mingħajr preġudizzju għall-paragrafu 1, l-Istati Membri għandhom jiżguraw li l-iskariki minn impjanti tal-ilma mormi urban li jitrattaw l-ilma mormi urban minn agglomerazzjonijiet ta' 10 000 e.p. u aktar jissodisfaw, qabel ma jiġu skarikati f’żoni inklużi fil-lista msemmija fil-paragrafu 2, ir-rekwiżiti rilevanti tat-trattament terzjarju stipulati fil-Parti B u t-Tabella 2 tal-Anness I:

L-Istati Membri jistgħu jidderogaw mill-iskadenza msemmija fil-paragrafu 3, il-punt (d), għal mhux aktar minn tmien snin bil-kundizzjoni li:

L-iskariki tal-ilma mormi urban imsemmija fil-paragrafi 1 u 3 għandhom jissodisfaw ir-rekwiżiti rilevanti fil-Parti B u fit-Tabella 2 tal-Anness I f'konformità mal-metodi għall-monitoraġġ u l-evalwazzjoni tar-riżultati stipulati fil-Parti C tal-Anness I. Il-medja annwali tal-kampjuni għal kull parametru msemmi fit-Tabella 2 tal-Anness I għandha tkun konformi mal-valuri parametriċi rilevanti mogħtija f'dik it-tabella.

Għall-impjanti tat-trattament tal-ilma mormi urban li qed jinbnew, jew li għaddejjin minn restawr maġġuri fir-rigward tat-trattament terzjarju tagħhom jew ġew ikkummissjonati wara l-31 ta' Diċembru 2020 u qabel l-1 ta’ Jannar 2025, ir-rekwiżiti dwar il-parametru tan-nitroġenu kif imsemmija f'dan l-Artikolu għandhom japplikaw mhux aktar tard minn ħames snin mill-iskadenzi stabbiliti fil-paragrafi 1 u 3.

Il-Kummissjoni hi mogħtija s-setgħa li tadotta atti delegati f'konformità mal-proċedura msemmija fl-Artikolu 27 biex temenda l-Parti C tal-Anness I sabiex tadatta l-metodi tal-monitoraġġ u l-evalwazzjoni tar-riżultati fir-rigward tat-trattament terzjarju għall-progress xjentifiku u tekniku.

B'deroga mill-paragrafi 3 u 5, l-Istati Membri jistgħu jiddeċiedu li impjant tat-trattament tal-ilma mormi individwali li jinsab f'żona inkluża fil-lista msemmija fil-paragrafu 2 ma jkunx soġġett għar-rekwiżiti stipulati fil-paragrafi 3 u 5 fejn jista' jintwera li l-perċentwal minimu ta' tnaqqis tat-tagħbija ġenerali li tidħol fl-impjanti tat-trattament tal-ilma mormi urban kollha f'dik iż-żona jkun:

Skariki minn impjanti ta' trattament ta' ilma mormi urban ta' 10 000 e.p. u aktar f'baċin idrografiku ta' żona sensittiva għall-ewtrofikazzjoni inkluża fil-lista msemmija fil-paragrafu 2 għandhom ikunu soġġetti wkoll għall-paragrafi 3, 5 u 8.

L-Istati Membri għandhom jiżguraw li l-iskariki minn impjanti tat-trattament tal-ilma mormi urban li jinsabu f'żona inkluża fil-lista msemmija fil-paragrafu 2 wara waħda mill-aġġornamenti regolari tal-lista meħtieġa minn dak il-paragrafu jissodisfaw ir-rekwiżiti stabbiliti fil-paragrafi 3 u 5 fi żmien seba' snin mill-inklużjoni f'dik il-lista.

Meta l-għadd ta' impjanti tat-trattament tal-ilma mormi urban li jeħtieġ jiġu aġġornati biex jissodisfaw l-objettivi msemmija fil-paragrafi 1 u 3 fil-livell nazzjonali ma jkunx numru sħiħ, l-għadd ta' impjanti tat-trattament tal-ilma mormi urban għandu jiġi aġġustat għall-eqreb numru sħiħ. Fil-każ ta' ekwidistanza bejn żewġ numri sħaħ, in-numru għandu jiġi aġġustat ‘l isfel.