Airteagal 50 Córais aisíoctha éarlaise

1.   Faoin 1 Eanáir 2029, déanfaidh na Ballstáit na bearta is gá chun a áirithiú go ndéanfar bailiúchán ar leithligh ar 90 % ar a laghad in aghaidh na bliana de réir meáchain de na formáidí pacáistíochta seo a leanas a chuirtear ar fáil ar an margadh den chéad uair sa Bhallstát sin i mbliain féilire ar leith:

Féadfaidh na Ballstáit an cainníocht dramhaíola ó phacáistíocht a ghintear ó phacáistíocht a chuirtear ar an margadh a úsáid chun na spriocanna a leagtar amach sa chéad fhomhír, pointí (a) agus (b), den Airteagal seo, a ríomh i gcomhréir leis na gníomhartha cur chun feidhme arna nglacadh de bhun Airteagal 56(7), pointe (a).

2.   Chun na spriocanna a leagtar amach mír 1 a bhaint amach, déanfaidh na Ballstáit na bearta is gá chun a áirithiú go mbunófar córais aisíoctha éarlaise le haghaidh na bhformáidí pacáistíochta ábhartha dá dtagraítear i mír 1 agus go ndéanfar éarlais a mhuirearú ag an díolphointe.

3.   De mhaolú ar mhír 2, féadfaidh na Ballstáit oibreoirí eacnamaíocha in earnáil HORECA a dhíolmhú ó éarlais a mhuirearú i gcás ina gcomhlíontar na coinníollacha seo a leanas:

4.   Ní bheidh feidhm ag mír 2 maidir leis an bpacáistíocht le haghaidh na nithe seo a leanas:

De mhaolú ar mhír 2, féadfaidh na Ballstáit buidéil deochanna phlaisteacha aon úsáide agus coimeádáin deochanna miotail aon úsáide ag a bhfuil toilleadh níos ísle ná 0,1 lítear a dhíolmhú ó rannpháirtíocht sna córais aisíoctha éarlaise, i gcás nach bhfuil an rannpháirtíocht sin indéanta go teicniúil.

5.   De mhaolú ar mhír 2, féadfar na Ballstáit a dhíolmhú ón oibleagáid faoi mhír 2, an chéad fhomhír, faoi réir na gcoinníollacha seo a leanas:

Chun críocha phointe (a), i gcás nár cuireadh an fhaisnéis maidir le ráta bailithe ar leithligh na formáide pacáistíochta ábhartha faoi bhráid an Choimisiúin go fóill, soláthróidh an Ballstát míniú réasúnaithe faoin gcaoi a gcomhlíontar ar shlí eile na coinníollacha maidir leis an díolúine a leagtar amach sa mhír seo. Beidh an míniú réasúnaithe bunaithe ar shonraí náisiúnta bailíochtaithe agus áireofar ann tuairisc ar na bearta arna gcur chun feidhme.

6.   Laistigh de 3 mhí tar éis dó an plean cur chun feidhme a fháil arna thíolacadh de bhun mhír 3, pointe (b), féadfaidh an Coimisiún a iarraidh ar an mBallstát athbhreithniú a dhéanamh ar an bplean sin má mheasann sé nach gcomhlíonann an plean cur chun feidhme sin na ceanglais a leagtar amach i mír 3, pointe (b). Déanfaidh an Ballstát plean athbhreithnithe cur chun feidhme a thíolacadh laistigh de 3 mhí tar éis dó an iarraidh ón gCoimisiún a fháil.

7.   Má laghdaítear an ráta bailiúcháin ar leithligh le haghaidh na pacáistíochta dá dtagraítear i mír 1 i mBallstát agus má fhanann sé faoi bhun 90 % de mheáchan formáide pacáistíochta áirithe arna cur ar an margadh go ceann 3 bliana féilire as a chéile, tabharfaidh an Coimisiún fógra don Bhallstát sin nach bhfuil feidhm ag an díolúine a thuilleadh. Bunófar córas aisíoctha éarlaise faoin 1 Eanáir sa dara bliain féilire tar éis na bliana inar thug an Coimisiún fógra don Bhallstát lena mbaineann nach bhfuil feidhm ag an díolúine a thuilleadh.

8.   Féachfaidh na Ballstáit le córais aisíoctha éarlaise a bhunú agus a chothabháil go háirithe le haghaidh buidéil deochanna gloine aon úsáide, agus cartáin deochanna. Féachfaidh na Ballstáit le háirithiú go mbeidh córais aisíoctha éarlaise le haghaidh formáidí pacáistíochta aon úsáide, go háirithe le haghaidh buidéil deochanna gloine aon úsáide, ar fáil freisin le haghaidh pacáistíocht in-athúsáidte i gcás ina bhfuil sé indéanta go teicniúil agus go heacnamaíoch.

9.   Féadfaidh Ballstát, agus na rialacha ginearálta a leagtar síos in CFAE á gcomhlíonadh aige agus an Rialachán seo chomhlíonadh aige, forálacha a ghlacadh a théann thar na híoscheanglais a leagtar amach san Airteagal seo amhail an fhéidearthacht pacáistíocht a liostaítear i mír 4, agus pacáistíocht le haghaidh táirgí eile nó atá déanta as ábhar eile a áireamh.

10.   Áiritheoidh na Ballstáit maidir leis na hionaid fillte agus deiseanna le haghaidh pacáistíocht in-athúsáidte lena ngabhann cuspóir agus formáid cosúil leo siúd arna mbunú faoi mhír 1, go mbeidh siad chomh háisiúil céanna freisin d’úsáideoirí deiridh agus atá deiseanna pacáistíochta aon úsáide a thabhairt ar ais chuig córas aisíoctha éarlaise.

11.   Faoin 1 Eanáir 2029, áiritheoidh na Ballstáit go gcomhlíonfar leis na scéimeanna aisíoctha éarlaise arna mbunú faoi mhír 2 den Airteagal seo ar a laghad, i ndiaidh theacht i bhfeidhm an Rialacháin seo, na híoscheanglais a liostaítear in Iarscríbhinn X.

Ní bheidh feidhm ag na híoscheanglais a liostaítear in Iarscríbhinn X maidir le scéimeanna aisíoctha éarlaise a bunaíodh roimh theacht i bhfeidhm an Rialacháin seo, agus lena mbaintear amach an sprioc 90 % a leagtar amach i mír 1 den Airteagal seo faoin 1 Eanáir 2029. Féachfaidh na Ballstáit lena áirithiú go gcomhlíonfar leis na córais aisíoctha éarlaise aon úsáide atá ann cheana na híoscheanglais in Iarscríbhinn X nuair a dhéanfar athbhreithniú orthu den chéad uair. Mura mbainfear amach an sprioc 90 % faoin 1 Eanáir 2029, comhlíonfar leis na córais aisíoctha éarlaise aon úsáide atá ann cheana na híoscheanglais in Iarscríbhinn X faoin 1 Eanáir 2035 ar a dhéanaí.

Faoin 1 Eanáir 2038, déanfaidh an Coimisiún, i gcomhar leis na Ballstáit, measúnú ar chur chun feidhme an Airteagail seo agus sainaithneoidh sé conas idir-inoibritheacht na gcóras aisíoctha éarlaise a uasmhéadú.

12.   Ní bheidh feidhm ag na híoscheanglais a liostaítear in Iarscríbhinn X a ghabhann leis an Rialachán seo sna réigiúin is forimeallaí mar a aithnítear iad in Airteagal 349, an tríú fomhír de CFAE, agus a sainiúlachtaí áitiúla á gcur san áireamh.