Artikolu 50 Sistemi ta' rifużjoni tad-depożitu

1.   Sal-1 ta' Jannar 2029, l-Istati Membri għandhom jieħdu l-miżuri meħtieġa biex jiżguraw il-ġbir separat ta' tal-inqas 90 % fis-sena skont il-piż tal-formati tal-imballaġġ li ġejjin li jitqiegħdu għad-dispożizzjoni fis-suq għall-ewwel darba f'dak l-Istat Membru f'sena kalendarja partikolari:

L-Istati Membri jistgħu jużaw il-kwantità ta' skart mill-imballaġġ iġġenerat mill-imballaġġ imqiegħed fis-suq biex jikkalkolaw, f’konformità mal-atti ta’ implimentazzjoni adottati skont l-Artikolu 56(7), il-punt (a), il-miri stabbiliti fl-ewwel subparagrafu, il-punti (a) u (b), ta’ dan il-paragrafu.

2.   Sabiex jintlaħqu l-miri stabbiliti fil-paragrafu 1, l-Istati Membri għandhom jieħdu l-miżuri meħtieġa biex jiżguraw li jiġu stabbiliti sistemi ta' rifużjoni tad-depożitu għall-formati rilevanti tal-imballaġġ imsemmija fil-paragrafu 1 u biex jiżguraw li d-depożitu jiġi impost fil-punt tal-bejgħ.

3.   Permezz ta' deroga mill-paragrafu 2, l-Istati Membri jistgħu jeżentaw lill-operaturi ekonomiċi fis-settur tal-HORECA milli jitolbu depożitu meta jiġu ssodisfati l-kundizzjonijiet li ġejjin:

4.   Paragrafu 2 ma għandux japplika għal imballaġġ għal:

Permezz ta' deroga mill-paragrafu 2, l-Istati Membri jistgħu jeżentaw il-fliexken tax-xorb tal-plastik li jintużaw darba biss u l-kontenituri tax-xorb tal-metall li jintużaw darba biss li jesgħu inqas minn 0,1 litru mill-parteċipazzjoni fis-sistemi ta' rifużjoni tad-depożitu fejn tali parteċipazzjoni ma tkunx teknikament fattibbli.

5.   L-Istati Membri jistgħu jkunu eżentati mill-obbligu skont il-paragrafu 2 taħt il-kundizzjonijiet li ġejjin:

Għall-finijiet tal-punt (a), meta l-informazzjoni dwar ir-rata tal-ġbir separat tal-forma ta’ imballaġġ rilevanti tkun għadha ma ġietx ippreżentata lill-Kummissjoni, l-Istat Membru għandu jipprovdi spjegazzjoni raġunata dwar kif il-kundizzjonijiet għall-eżenzjoni stabbiliti f’dan il-paragrafu huma sodisfatti mod ieħor. Dik is-spjegazzjoni għandha tkun ibbażata fuq data nazzjonali validata u tinkludi deskrizzjoni tal-miżuri implimentati.

6.   Fi żmien 3 xhur minn meta tirċievi l-pjan ta' implimentazzjoni ppreżentat skont il-paragrafu 5, il-punt (b), il-Kummissjoni tista' titlob lill-Istat Membru jirrevedi il-pjan jekk tqis li l-pjan ma jikkonformax mar-rekwiżiti stabbiliti fil-paragrafu 5, il-punt (b). L-Istat Membru għandu jippreżenta pjan ta’ implimentazzjoni rivedut fi żmien 3 xhur minn meta jirċievi t-talba tal-Kummissjoni.

7.   Jekk ir-rata tal-ġbir separat tal-imballaġġ imsemmija fil-paragrafu 1 fi Stat Membru tonqos u għal tliet snin kalendarji konsekuttivi tibqa' taħt id-90 % skont il-piż tal-format tal-imballaġġ partikolari mqiegħed fis-suq, il-Kummissjoni għandha tinnotifika lil dak l-Istat Membru li l-eżenzjoni ma għadhiex tapplika. Sistema ta' rifużjoni tad-depożitu għandha tiġi stabbilita sal-1 ta' Jannar tat-tieni sena kalendarja wara s-sena li fiha l-Kummissjoni tkun innotifikat lill-Istat Membru kkonċernat li l-eżenzjoni ma għadhiex tapplika.

8.   L-Istati Membri għandhom jagħmlu ħilithom biex jistabbilixxu u jżommu sistemi ta' rifużjoni tad-depożitu b'mod partikolari għall-fliexken tax-xorb tal-ħġieġ li jintużaw darba biss, u għall-kartuni tax-xorb. L-Istati Membri għandhom jagħmlu ħilithom biex jiżguraw li s-sistemi ta' rifużjoni tad-depożitu għall-formati tal-imballaġġ li jintuża darba biss, b'mod partikolari għall-fliexken tax-xorb tal-ħġieġ li jintużaw darba biss, ikunu disponibbli bl-istess mod għall-imballaġġ riutilizzabbli meta teknikament u ekonomikament fattibbli.

9.   Stat Membru jista' jadotta, filwaqt li josserva r-regoli ġenerali stabbiliti fit-TFUE u waqt li jaġixxi f’konformita’ ma’ dan ir-Regolament, dispożizzjonijiet li jmorru lil hinn mir-rekwiżiti minimi stabbiliti f'dan l-Artikolu, bħall-possibbiltà li jiġi inkluż l-imballaġġ elenkat fil-paragrafu 4 u l-imballaġġ għal prodotti oħra jew magħmul minn materjali oħra.

10.   L-Istati Membri għandhom jiżguraw li l-punti ta' ritorn u l-opportunitajiet għall-imballaġġ riutilizzabbli b'fini u b'format simili għal dawk stabbiliti skont il-paragrafu 1 ikunu konvenjenti għall-utenti finali daqs kemm l-imsemmija punti ta' ritorn u l-opportunitajiet huma metajirritornaw l-imballaġġ li jintuża darba biss f'sistema ta' rifużjoni tad-depożitu.

11.   Sal-1 ta' Jannar 2029, l-Istati Membri għandhom jiżguraw li tal-inqas is-sistemi ta' rifużjoni tad-depożitu stabbiliti skont il-paragrafu 2 ta’ dan l-Artikolu wara d-dħul fis-seħħ ta' dan ir-Regolament jissodisfaw ir-rekwiżiti minimi elenkati fl-Anness X.

Ir-rekwiżiti minimi elenkati fl-Anness X ma għandhomx japplikaw għas-sistemi ta' rifużjoni tad-depożitu stabbiliti qabel id-dħul fis-seħħ ta' dan ir-Regolament li jilħqu l-mira ta' 90 % stabbilita fil-paragrafu 1 ta’ dan l-Artikolu sal-1 ta' Jannar 2029. L-Istati Membri għandhom jagħmlu ħilithom biex jiżguraw li s-sistemi eżistenti ta' rifużjoni tad-depożitu li jintużaw darba biss jikkonformaw mar-rekwiżiti minimi fl-Anness X meta jiġu rieżaminati għall-ewwel darba. Jekk il-mira ta' 90 % ma tintlaħaqx sal-1 ta' Jannar 2029, is-sistemi eżistenti ta' rifużjoni tad-depożitu li jintużaw darba biss għandhom jikkonformaw mar-rekwiżiti minimi fl-Anness X sa mhux aktar tard mill-1 ta' Jannar 2035.

Sal-1 ta' Jannar 2038, il-Kummissjoni, f'kollaborazzjoni mal-Istati Membri, għandha tivvaluta l-implimentazzjoni ta' dan l-Artikolu u tidentifika kif tista' tiġi massimizzata l-interoperabbiltà tas-sistemi ta' rifużjoni tad-depożitu.

12.   Ir-rekwiżiti minimi elenkati fl-Anness X ma għandhomx japplikaw fir-reġjuni ultraperiferiċi kif rikonoxxut fl-Artikolu 349, ir-raba' subparagrafu, TFUE, b'kont meħud tal-ispeċifiċitajiet lokali tagħhom.