Airteagal 10 Faisnéis maidir le próisis rialála um cheimiceáin

1.   Mar chuid den ardán sonraí comhchoiteann, déanfaidh ECHA bunachar sonraí nua a bhunú agus a bhainistiú ina mbeidh faisnéis maidir le próisis agus gníomhaíochtaí rialála ar cheimiceáin aonair nó grúpaí ceimiceán atá beartaithe, atá ar bun nó a cuireadh i gcrích ó cuireadh an Rialachán seo i bhfeidhm ag na Ballstáit, ag na gníomhaireachtaí náisiúnta nó ag institiúidí an Aontais, ag ECHA, ag EEA, ag EFSA, ag EU-OSHA nó ag coistí dá dtagraítear i ngníomhartha dlí an Aontais a liostaítear in Iarscríbhinn III.

2.   I gcás ina bhfuil faisnéis dá dtagraítear i mír 1 ag údaráis inniúla na mBallstát amhail dá dtagraítear in aon cheann de ghníomhartha dlí an Aontais a liostaítear in Iarscríbhinn III, cuirfidh siad an fhaisnéis sin ar fáil don ghníomhaireacht de chuid an Aontais atá freagrach faoin ngníomh dlí ábhartha de chuid an Aontais a liostaítear in Iarscríbhinn III gan mhoill. Maidir le gach próiseas nó gníomhaíocht rialála, áireofar an fhaisnéis seo a leanas ar a laghad:

3.   I gcás ina bhfuil faisnéis dá dtagraítear i mír 1 i seilbh ECHA, EEA, EFSA, EU-OSHA nó an Choimisiúin, cuirfidh siad an fhaisnéis sin ar fáil do ECHA lena n-ionchorprú san ardán sonraí comhchoiteann sna formáidí caighdeánacha dá ndéantar foráil in Airteagal 17 gan mhoill agus, i gcás inarb ábhartha, a luaithe a bheidh an measúnú bailíochta déanta ag an nGníomhaireacht atá freagrach nó ag an gCoimisiún. Agus an fhaisnéis sin á cur ar fáil, áireofar an fhaisnéis seo a leanas ar a laghad le haghaidh gach próisis nó gníomhaíochta rialála:

4.   Cuirfear ar fáil don phobal an fhaisnéis dá dtagraítear i mír 3, pointí (a) go (f), maidir le próiseas nó gníomhaíocht rialála shonrach nuair a chuirtear tús go foirmiúil leis an bpróiseas nó an ghníomhaíocht sin.