IARSCRÍBHINN III Líon íosta pointí samplála le haghaidh tomhas seasta

1.   Foinsí idirleata

Tábla 1 - An líon íosta pointí samplála le haghaidh tomhas seasta chun measúnú a dhéanamh ar chomhlíontacht le teorainnluachanna agus spriocluachanna chun sláinte an duine a chosaint, agus le tairseacha foláirimh agus le tairseacha faisnéise (i gcás gach truailleáin seachas ózón)

Tábla 2 – An líon íosta pointí samplála le haghaidh tomhas seasta chun measúnú a dhéanamh ar chomhlíontacht le spriocluachanna ózóin, le cuspóirí fadtéarmacha agus le tairseacha foláirimh agus le tairseacha faisnéise (i gcás ózóin amháin)

Tábla 3 - An líon íosta pointí samplála le haghaidh tomhas seasta chun measúnú a dhéanamh ar chomhlíontacht le teorainnluachanna agus spriocluachanna chun sláinte an duine a chosaint, agus le tairseacha foláirimh agus le tairseacha faisnéise i limistéir ina bhfuil feidhm ag laghdú 50 % ar na tomhais sin (i gcás gach truailleáin seachas ózón)

Tábla 4 - An líon íosta pointí samplála le haghaidh tomhais sheasta chun measúnú a dhéanamh ar chomhlíontacht le spriocluachanna ózóin, le cuspóirí fadtéarmacha agus le tairseacha foláirimh agus le tairseacha faisnéise i limistéir ina bhfuil feidhm ag laghdú 50 % ar na tomhais sin (i gcás ózóin amháin)

I gcás gach limistéir, sa líon íosta pointí samplála le haghaidh tomhais sheasta a leagtar amach i dTáblaí 1–4 den Phointe seo áireofar ar a laghad pointe samplála amháin ar chúlsuíomh agus pointe samplála amháin ag teophointe aerthruaillithe de réir Phointe B, d’Iarscríbhinn IV, ar choinníoll nach méadófar an líon pointí samplála dá bharr sin. I gcás dé-ocsaíd nítrigine, ábhar cáithníneach, beinséine agus aonocsaíd charbóin, áireofar leis sin pointe samplála amháin ar a laghad atá dírithe ar thomhas a dhéanamh ar an rannchuidiú ó astaíochtaí iompair. Mar sin féin, i gcásanna nach bhfuil ach aon phointe samplála amháin ag teastáil, is ag teophointe aerthruaillithe a bheidh sé suite.

I gcás gach limistéir, ní bheidh níos mó ná fachtóir 2 de dhifríocht idir an líon iomlán pointí samplála ar chúlsuíomhanna uirbeacha agus an líon iomlán pointí samplála ag teastáil i dteophointí aerthruaillithe i gcás dé-ocsaíd nítrigine, ábhar cáithníneach, beinséine agus aonocsaíd charbóin. An líon pointí samplála PM2,5 agus dé-ocsaíde nítrigine ar chúlsuíomhanna uirbeacha, beidh an líon sin i gcomhréir leis na ceanglais a leagtar amach i bPointe B.

2.   Poncfhoinsí

Chun measúnú a dhéanamh ar thruailliú i ngar do phoncfhoinsí, déanfar líon na bpointí samplála le haghaidh tomhas seasta a ríomh agus dlús astaíochtaí, patrúin dáileacháin dhóchúla thruailliú an aeir chomhthimpeallaigh agus teagmháil fhéideartha an phobail á gcur san áireamh. Féadfar na pointí samplála sin a shuíomh ionas gur féidir faireachán a dhéanamh ar chur i bhfeidhm BAT (na teicnící is fearr atá ar fáil) mar a shainmhínítear i dTreoir 2010/75/AE.

B.   An líon íosta pointí samplála le haghaidh tomhas seasta chun measúnú a dhéanamh ar chomhlíontacht le hoibleagáidí maidir le laghdú meánteagmhála PM2,5 agus NO2 chun sláinte an duine a chosaint

I gcás gach ceann de PM2,5 agus NO2, déanfar ar a laghad pointe samplála amháin in aghaidh an aonaid chríochaigh meánteagmhála, agus ar a laghad pointe samplála amháin in aghaidh an mhilliúin áitritheoir arna ríomh i limistéir uirbeacha ina bhfuil níos mó ná 100 000 áitritheoir, a oibriú chun na críche sin. D’fhéadfadh na pointí samplála sin a bheith san áit chéanna leis na pointí samplála faoi Phointe A.

C.   An líon íosta pointí samplála le haghaidh tomhais sheasta chun measúnú a dhéanamh ar chomhlíontacht le leibhéil chriticiúla i gcás SO2 agus NOx, agus le cuspóirí fadtéarmacha maidir le hózón

1.   Leibhéil chriticiúla chun fásra agus éiceachórais nádúrtha a chosaint

I limistéir oileánacha, déanfar an líon pointí samplála le haghaidh tomhas seasta a ríomh agus patrúin dáileacháin dhóchúla thruailliú an aeir chomhthimpeallaigh agus teagmháil fhéideartha an fhásra á gcur san áireamh.

2.   Cuspóir fadtéarmach maidir le sláinte an duine agus an fásra a chosaint i gcás ózóin

Chun tomhais a dhéanamh ar chúlsuíomh tuaithe, áiritheoidh na Ballstáit go mbeidh ar a laghad pointe samplála amháin ann in aghaidh gach 50 000 km2 mar mheándlús ar fud na limistéar go léir in aghaidh na tíre. I gcás tír-raon casta, moltar aon phointe samplála amháin in aghaidh gach 25 000 km2.

D.   An líon pointí samplála le haghaidh tomhais sheasta ar cháithníní sármhíne i gcás inar dócha go dtarlóidh tiúchaintí arda

Déanfar cáithníní sármhíne a thomhas ag suíomhanna roghnaithe mar aon le truailleáin eile aeir. Beidh pointí samplála chun tomhas a dhéanamh ar cháithníní sármhíne i gcomhthráth, i gcás inarb iomchuí, le pointí samplála le haghaidh ábhar cáithníneach nó dé-ocsaíd nítrigine dá dtagraítear i bPointe A den Iarscríbhinn seo, agus beidh siad lonnaithe i gcomhréir le Roinn 4 d’Iarscríbhinn VII. Chun na críche sin, bunófar aon phointe samplála amháin ar a laghad in aghaidh gach 5 mhilliún áitritheoir ag suíomh inar dócha go mbeidh tiúchaintí arda cáithníní sármhíne ann. Bunóidh na Ballstáit ina bhfuil níos lú ná 5 mhilliún áitritheoir ar a laghad aon phointe samplála amháin le haghaidh tomhais sheasta ar shuíomh inar dócha go mbeidh tiúchaintí ard cáithníní sármhíne ann.

I gcás na mBallstát a bhfuil níos mó ná 2 mhilliún áitritheoir iontu, maidir le sárláithreáin faireacháin ag cúlsuíomhanna uirbeacha nó ag cúlsuíomhanna tuaithe a bhunaítear i gcomhréir le hAirteagal 10, ní chuirfear iad san áireamh chun na ceanglais maidir leis an líon íosta pointí samplála le haghaidh cáithníní sármhíne a leagtar amach anseo a chomhlíonadh.

(1)  Pointe samplála amháin ar a laghad i gceantair inar dócha go dtarlóidh teagmháil an daonra leis na tiúchaintí is airde d’ózón. I gceirtleáin, beidh ar a laghad 50 % de na pointí samplála lonnaithe i gceantair fho-uirbeacha.

(2)  Pointe samplála amháin ar a laghad i gceantair inar dócha go dtarlóidh teagmháil an daonra leis na tiúchaintí is airde d’ózón. I gceirtleáin, beidh ar a laghad 50 % de na pointí samplála lonnaithe i gceantair fho-uirbeacha.