Airteagal 64 Oibleagáidí maidir le hiontaobhaithe

1.   I gcás aon socrú dlíthiúil arna riar i mBallstát nó a bhfuil a iontaobhaí nó duine a bhfuil post coibhéiseach aige i socrú dlíthiúil comhchosúil ina chónaí nó ina cónaí nó bunaithe i mBallstát, déanfaidh iontaobhaithe agus daoine a bhfuil post coibhéiseach acu i socrú dlíthiúil comhchosúil an fhaisnéis seo a leanas maidir leis an socrú dlíthiúil a fháil agus a choimeád:

Coimeádfar an fhaisnéis dá dtagraítear sa chéad fhomhír ar feadh 5 bliana tar éis deireadh a theacht le rannpháirtíocht an iontaobhaí nó an duine a bhfuil post coibhéiseach aige leis an iontaobhas sainráite nó le socrú dlíthiúil comhchosúil.

2.   Déanfaidh an t-iontaobhaí nó an duine a bhfuil post coibhéiseach aige i socrú dlíthiúil comhchosúil faisnéis faoi úinéireacht thairbhiúil agus faisnéis bhunúsach faoin socrú dlíthiúil a fháil agus a thuairisciú gan moill mhíchuí don chlár tar éis an t-iontaobhas sainráite nó socruithe dlíthiúla comhchosúla a chur ar bun, agus in aon chás laistigh de 28 lá féilire ón dáta sin. Gan moill mhíchuí tar éis aon athrú ar an bhfaisnéis, agus in aon chás tráth nach déanaí ná 28 lá féilire tar éis an athraithe ar an úinéireacht thairbhiúil nó ar an bhfaisnéis bhunúsach faoin socrú dlíthiúil, áiritheoidh an t-iontaobhaí nó an duine a bhfuil post coibhéiseach i socrú dlíthiúil comhchosúil aige go dtuairisceofar an fhaisnéis nuashonraithe don chlár.

Déanfaidh an t-iontaobhaí nó an duine a bhfuil post coibhéiseach i socrú dlíthiúil comhchosúil aige a fhíorú go tráthrialta go ndéantar an fhaisnéis atá acu faoi shocrú dlíthiúil de bhun mhír 1, an chéad fhomhír, a thabhairt cothrom le dáta. Déanfar an fíorú sin uair sa bhliain ar a laghad, bíodh sin mar phróiseas neamhspleách nó mar chuid de phróisis thréimhsiúla eile.

3.   Déanfaidh na hiontaobhaithe nó na daoine a bhfuil post coibhéiseach i socrú dlíthiúil comhchosúil aige dá dtagraítear i mír 1 a stádas a nochtadh agus an fhaisnéis faoi na húinéirí tairbhiúla agus faoi shócmhainní na socruithe dlíthiúla atá le bainistiú i gcomhthéacs na gaolmhaireachta gnó nó an idirbhirt ócáidigh a sholáthar d’eintitis faoi oibleagáid agus bearta díchill chuí do chustaiméirí á gcur i bhfeidhm ag na heintitis faoi oibleagáid, i gcomhréir le Caibidil III.

4.   Soláthróidh úinéirí tairbhiúla socraithe dhlíthiúil, seachas na hiontaobhaithe nó na daoine a bhfuil post coibhéiseach acu, a ghníomhairí agus na heintitis faoi oibleagáid atá ag soláthar seirbhísí don socrú dlíthiúil, chomh maith le haon duine agus, i gcás socruithe dlíthiúla, a n-iontaobhaithe, atá mar chuid de struchtúr rialaithe ilsrathach an tsocraithe dhlíthiúil, an fhaisnéis uile agus an doiciméadacht uile is gá do na hiontaobhaithe nó na daoine a bhfuil post coibhéiseach acu i socrú dlíthiúil comhchosúil ionas go mbeidh na hiontaobhaithe nó na daoine a bhfuil post coibhéiseach acu in ann ceanglais na Caibidle sin a chomhlíonadh.

5.   Cuirfidh iontaobhaithe iontaobhais shainráite agus daoine a bhfuil post coibhéiseach acu i socrú dlíthiúil comhchosúil an fhaisnéis arna bailiú de bhun an Airteagail seo ar fáil, ach í a iarraidh agus gan mhoill, d’údaráis inniúla.

6.   I gcás socruithe dlíthiúla ar eintitis dhlítheanacha iad a bpáirtithe, i gcás, i ndiaidh gach modh sainaitheantais atá ar fáil de bhun Airteagail 51 go 57 a ídiú, nach sainaithnítear aon duine mar úinéir tairbhiúil na n-eintiteas sin, nó i gcás éiginnteacht mhór a bhfuil údar maith léi gurb iad na daoine a sainaithníodh na húinéirí tairbhiúla, coimeádfaidh iontaobhaithe iontaobhas sainráite nó daoine a bhfuil post coibhéiseach acu i socruithe dlíthiúla comhchosúla taifid de na gníomhartha a rinneadh chun a n-úinéirí tairbhiúla a shainaithint.

7.   Sna cásanna dá dtagraítear i mír 6 den Airteagal seo, agus faisnéis faoi úinéireacht thairbhiúil á soláthar acu i gcomhréir le hAirteagal 20 den Rialachán seo agus le hAirteagal 10 de Threoir (AE) 2024/1640, soláthróidh iontaobhaithe iontaobhas sainráite nó daoine a bhfuil post coibhéiseach acu i socruithe dlíthiúla comhchosúla an méid seo a leanas: