Airteagal 383d Fachtóirí riosca malairte eachtraí

Is é a bheidh sna fachtóirí riosca deilte malairte eachtraí atá le cur i bhfeidhm ag institiúidí ar ionstraimí sa phunann CVA atá íogair ar spotrátaí malairte eachtraí na spotrátaí malairte eachtraí go léir idir an t-airgeadra ina bhfuil an ionstraim ainmnithe agus airgeadra tuairiscithe na hinstitiúide nó airgeadra bunaidh na hinstitiúide i gcás ina bhfuil airgeadra bunaidh á úsáid ag an institiúid i gcomhréir le hAirteagal 325q(7). Buicéad amháin a bheidh ann in aghaidh gach péire airgeadraí, ina mbeidh fachtóir riosca aonair agus glaníogaireacht aonair.

Is éard a bheidh sna fachtóirí riosca véige malairte eachtraí atá le cur i bhfeidhm ag institiúidí ar ionstraimí sa phunann CVA atá íogair ar luaineacht malairte eachtraí na luaineachtaí rátaí malairte eachtraí intuigthe idir na péirí airgeadraí dá dtagraítear i mír 1. Beidh buicéad amháin le haghaidh gach airgeadra agus aibíochta, ina bhfuil na fachtóirí uile riosca véige malairte eachtraí agus glaníogaireacht aonair.

Ní bheidh de cheanglas ar institiúidí idirdhealú a dhéanamh idir athróga airgeadra intíre agus eischósta i gcomhair fachtóirí riosca deilte agus véige malairte eachtraí.