15.3 Dílsiú luach saothair iarchurtha

Níor cheart an chéad chuid iarchurtha a dhílsiú níos luaithe ná 12 mhí i ndiaidh thús na tréimhse iarchurtha. Críochnaíonn an tréimhse iarchurtha nuair a bheidh an luach saothair inathraithe dámhachtana dílsithe nó i gcás gur laghdaíodh an méid go nialas mar gur cuireadh malus i bhfeidhm.

Ba cheart luach saothair iarchurtha a dhílsiú go hiomlán ag deireadh na tréimhse iarchurtha nó é a leathadh amach thar roinnt íocaíochtaí le linn na tréimhse iarchurtha i gcomhréir le hAirteagal 32(3) de Threoir (AE) 2019/2034.

Ciallaíonn dílsiú pro rata, mar shampla, tréimhse iarchurtha ceithre bliana i gcás go ndéantar, ag deireadh na mblianta n+1, n+2, n+3 agus n+4, an ceathrú cuid de dhílsiú an luach saothair iarchurtha, agus arb ionann n an tráth an chuid tosaigh den luach saothair inathraithe dáfa a íoc.

Níor cheart dílsiú a dhéanamh níos minice ná ar bhonn bliantúil chun measúnú ceart ar rioscaí a áirithiú sula gcuirfear coigeartuithe ex post i bhfeidhm.