8. Comhar agus malartú faisnéise maidir le bearta maoirseachta agus smachtbhannaí

Ba cheart do mhaoirseoirí stuamachta agus do mhaoirseoirí AML/CFT faisnéis a mhalartú maidir le bearta maoirseachta nó smachtbhannaí atá ar feitheamh nó arna bhforchur agus atá ábhartha dá gcúraimí maoirseachta faoi seach chomh luath agus is féidir sa phróiseas forfheidhmiúcháin.

Leis na teachtaireachtaí maidir le bearta maoirseachta nó smachtbhannaí idir maoirseoirí stuamachta agus maoirseoirí AML/CFT, ba cheart mionsonraí a thabhairt maidir le cineál agus méid na n-easnamh bunúsach, laigí ábhartha agus sáruithe tromchúiseacha. Ba cheart go gcuirfeadh an fhaisnéis a chomhroinntear ar chumas maoirseoirí stuamachta breithniú a dhéanamh ar na himpleachtaí stuamachta a d’fhéadfadh a bheith ag laigí ábhartha agus ag sáruithe tromchúiseacha arna sainaithint ag maoirseoirí AML/CFT, agus ag maoirseoirí AML/CFT chun na himpleachtaí a d’fhéadfadh a bheith ann do chórais AML/CFT na hinstitiúide a mheas mar aon le creat rialaithe na n-easnamh arna sainaithint ag na maoirseoirí stuamachta.