3.1. Liosta de na hinstitiúidí atá san áireamh sna bearta tagarmharcála

Ba cheart d’údaráis inniúla an ÚBE a chur ar an eolas, faoin 31 Márta den bhliain féilire tar éis na bliana a bhfuil sonraí le bailiú ina leith – faoi liosta na n-institiúidí ar cheart iad a áireamh sa:

• a. bheart tagarmharcála luacha saothair agus
• b. mbeart tagarmharcála na bearna pá idir na hinscní.

Ba cheart athruithe ar shampla na n-institiúidí a sheachaint oiread agus is féidir chun a áirithiú go bhfanann an sampla seasmhach. Chun críocha mhír 24, ba cheart d’údaráis inniúla ÚBE a chur ar an eolas faoi aon athruithe i gcomparáid leis an mbailiú sonraí roimhe seo, lena n-áirítear maidir le hathruithe ar ainmneacha institiúidí nó ar aitheantóir eintitis dhlíthiúil. Ba cheart d’údaráis inniúla institiúidí a roghnaítear chun páirt a ghlacadh sna bailiúcháin sonraí a chur ar an eolas go tráthúil.

Ba cheart d’údaráis inniúla, tar éis teachtaireacht a fháil ón ÚBE, institiúidí le haghaidh tagarmharcáil luacha saothair a bhaint den liosta nuair is fochuideachtaí iad de mháthairghnóthais an Aontais atá bunaithe i mBallstát eile agus a gcuirfidh údarás inniúil eile na sonraí ábhartha ina leith faoi bhráid an ÚBE ag leibhéal níos airde comhdhlúthaithe.

I gcás ina bhfuil níos mó ná údarás inniúil amháin ann, e.g. ceann amháin atá freagrach as maoirseacht stuamachta ar institiúidí agus ceann eile do ghnólachtaí infheistíochta faoi réir Airteagal 1(2) nó (5) de Rialachán (AE 2019/2033), i mBallstát nó áit a bhfuil an fhreagracht as maoirseacht ar an mBanc Ceannais Eorpach, ba cheart do na húdaráis inniúla an bailiú sonraí a chomhordú ina measc féin agus na sonraí agus an fhaisnéis is gá a sholáthar dá chéile chun a áirithiú nach ndéanfar ach tacar amháin sonraí a bhailiú agus a thuairisciú d’ÚBE i leith an Bhallstáit sin.