hIarscríbhinn II

Ba cheart do na húdaráis inniúla na sonraí a bhailítear laistigh dá mBallstát ó ghnólachtaí a chomh-iomlánú ar leithligh le haghaidh lucht ardioncaim a tuairiscíodh le hIarscríbhinn I agus le haghaidh lucht ardioncaim a tuairiscíodh le hIarscríbhinn II.

Chomh maith leis sin, ba cheart sonraí lucht ardioncaim a chomh-iomlánú de réir na réime íocaíochta i gcomhréir le hAirteagal 75(3) de Rialachán (AE) 575/2013 agus le hAirteagal 34(4) de Rialachán (AE) 2019/2033.

Sula ndéanfar sonraí a chomh-iomlánú, ba cheart do na húdaráis inniúla a sheiceáil an bhfuil sonraí tuairiscithe díreach ag na gnólachtaí atá san áireamh i raon feidhme an bhailithe sonraí i bhForoinn 1.1 agus i bhForoinn 1.2. Níor cheart sonraí atá curtha ar fáil ag gnólachtaí eile (e.g. gnólacht infheistíochta beag agus neamh-idirnasctha) nach bhfuil feidhm ag na Treoirlínte maidir leo, a chur san áireamh nuair a bhíonn sonraí á gcomh-iomlánú.

Sa chás go bhfuil níos mó ná údarás inniúil amháin ann, e.g. údarás amháin atá freagrach as maoirseacht stuamachta a dhéanamh ar institiúidí agus údarás eile atá freagrach as gnólachtaí infheistíochta, i mBallstát nó sa chás go roinntear freagracht as maoirseacht leis an mBanc Ceannais Eorpach, ba cheart do na húdaráis inniúla an bailiú sonraí a chomhordú eatarthu féin agus na sonraí agus an fhaisnéis is gá a sholáthar dá chéile chun a áirithiú nach mbaileofar agus nach dtuairisceofar ach tacar amháin sonraí don ÚBE don Bhallstát sin agus nach n-áirítear lucht ardioncaim aonair níos mó ná uair amháin sa bhailiú sonraí. Níor cheart go mbeadh ach aon aighneacht amháin d’Iarscríbhinn I comh-iomlánaithe ann agus níor cheart go mbeadh ach aon aighneacht amháin d’Iarscríbhinn II comh-iomlánaithe ann le haghaidh gach Ballstáit.