9. Creat rialaithe inmheánaigh

Ba cheart d’eisitheoirí ARTanna cultúr a fhorbairt agus a choinneáil ar bun lena spreagtar dearcadh dearfach i leith rialú agus comhlíonadh riosca laistigh den eisitheoir agus creat rialaithe inmheánaigh atá láidir agus cuimsitheach. Faoin gcreat sin, ba cheart d’eisitheoirí línte gnó nó aonaid inmheánaigh ARTanna a bheith freagrach as bainistiú a dhéanamh ar na rioscaí a thabhaíonn siad agus a ngníomhaíochtaí á ndéanamh acu agus ba cheart rialuithe a bheith i bhfeidhm acu arb é is aidhm dóibh comhlíonadh ceanglas inmheánach agus seachtrach a áirithiú. Mar chuid den chreat sin, ba cheart feidhm an chomhlíonta inmheánach bhuan agus éifeachtach a bheith ag eisitheoirí ARTanna ag a bhfuil údarás, stádas agus rochtain iomchuí agus leordhóthanach ar an gcomhlacht bainistíochta chun a mhisean a chomhlíonadh, mar aon le creat bainistíochta riosca. I gcás ina bhfuil sé comhréireach, agus na critéir a liostaítear i dTeideal I á gcur san áireamh, ba cheart feidhm inmheánach bainistíochta riosca agus iniúchóireachta a bheith ag eisitheoirí ART. I gcás ar bith, ba cheart d’eisitheoir ARTanna beartais agus nósanna imeachta iomchuí bainistíochta riosca agus iniúchóireachta a bheith i bhfeidhm aige.

Ba cheart creat rialaithe inmheánaigh eisitheoirí ARTanna lena mbaineann a oiriúnú ar bhonn aonair do shainiúlacht a ghnó, dá chastacht agus do na rioscaí gaolmhara, agus comhthéacs an ghrúpa á chur san áireamh, i gcás inarb infheidhme. Laistigh de chomhthéacs grúpa, ba cheart d’eisitheoir ARTanna lena mbaineann malartú na faisnéise is gá a eagrú ar bhealach lena n-áirithítear go mbeidh gach comhlacht bainistíochta, gach réim ghnó agus gach aonad inmheánach, lena n-áirítear gach feidhm rialaithe inmheánaigh, in ann a dhualgais a chur i gcrích.

Ba cheart go gcumhdófaí leis an gcreat rialaithe inmheánaigh an eagraíocht ina hiomláine, lena n-áirítear freagrachtaí agus cúraimí an chomhlachta bainistíochta, agus gníomhaíochtaí na línte gnó agus na n-aonad inmheánach uile, lena n-áirítear feidhmeanna rialaithe inmheánaigh, úsáid soláthraithe tríú páirtí agus bealaí dáileacháin.

Le creat rialaithe inmheánaigh eisitheora ARTanna, ba cheart an méid seo a leanas a áirithiú:

• a. oibríochtaí éifeachtacha agus éifeachtúla lena n-áirítear maidir le heisiúint ARTanna;
• b. sainaithint, tomhas agus maolú leordhóthanach rioscaí, lena n-áirítear riosca oibriúcháin agus riosca a bhaineann le TFC i gcomhréir le Rialachán (AE) 2022/2554;
• c. iontaofacht na faisnéise airgeadais agus neamhairgeadais a thuairiscítear go hinmheánach agus go seachtrach araon;
• d. nósanna imeachta fónta riaracháin agus cuntasaíochta; agus
• e. comhlíonadh dlíthe, rialachán, ceanglas maoirseachta agus beartais, próisis, rialacha agus cinntí inmheánacha eisitheoir ARTanna.