Raon feidhme

Tá feidhm ag na Treoirlínte seo tráth an údaraithe agus ar bhonn leanúnach maidir le húdaráis inniúla, mar a shainmhínítear iad in Airteagal 3(1), pointe (35)(a) de MiCA, le heisitheoirí ARTanna agus CASPanna³ , i gcomhréir le hAirteagal 34(2) agus Airteagal 68(1) de MiCA maidir leis an measúnú ar oiriúnacht chomhaltaí chomhlacht bainistíochta

• a. eisitheoir ARTanna is iarratasóir atá ag lorg údarú faoi Airteagal 18 de MiCA nó arna údarú i gcomhréir le hAirteagal 21 den Rialachán sin (“eisitheoir ART” chun críocha na dTreoirlínte seo),
• b. CASP is iarratasóir atá ag lorg údarú faoi Airteagal 62 de MiCA, nó CASP arna údarú i gcomhréir le hAirteagal 63 den Rialachán sin (“CASP” chun críocha na dTreoirlínte seo), nó, le tagairt d’Airteagal 68(1) de MiCA, a sholáthraíonn seirbhísí criptea-shócmhainní mar chuid dá n-údarú i gcomhréir le míreanna (2), (4), (5) agus (6) d’Airteagal 60 de MiCA.

Tá an measúnú oiriúnachta bunaithe ar an gceanglas nach mór do chomhaltaí chomhlacht bainistíochta eisitheoirí ARTanna agus CASPanna na critéir a leagtar amach in Airteagal 34(2) agus Airteagal 68(1) faoi seach a chomhlíonadh, lena bhforáiltear go mbeidh dea-cháil leordhóthanach ar chomhaltaí den chomhlacht bainistíochta agus go mbeidh siad in ann am leordhóthanach a ghealladh chun a ndualgais a chomhlíonadh go héifeachtach chomh maith le measúnú a dhéanamh ar cé acu atá nó nach bhfuil an t-eolas, na scileanna agus an taithí is iomchuí ina n-aonar agus i dteannta a chéile ag comhaltaí den chomhlacht bainistíochta chun a ndualgais a chomhlíonadh. Is gá nach raibh comhaltaí chomhlacht bainistíochta eisitheoirí ARTanna agus CASPanna ciontaithe i gcionta a bhaineann le sciúradh airgid nó maoiniú sceimhlitheoireachta ná in aon chionta eile a dhéanfadh dochar dá ndea-cháil. Áirítear ar chomhaltaí den chomhlacht bainistíochta a bhfuil measúnú le déanamh orthu daoine a bheidh ina gcomhaltaí de chomhlacht bainistíochta eisitheora ARTanna nó CASP agus comhaltaí a bhfuil a bpost glactha acu cheana féin. I gcás ina bhfuil feidhm bhainistíochta agus

3 De réir Airteagal 60(10) de Rialachán (AE) 2023/1114, níl na heintitis a liostaítear in Airteagal 60, míreanna (1) go (6) faoi réir Airteagal 63 de Rialachán (AE) 2023/1114, i measc nithe eile. mhaoirseachta sa chomhlacht bainistíochta, tá feidhm ag na Treoirlínte seo maidir le feidhmeanna agus comhaltaí an dá fheidhm araon⁴ .)

⁴ In Airteagal 3(1), pointe 27 de Rialachán (AE) 2023/1114, sainmhínítear an comhlacht bainistíochta mar ‘comhlacht nó comhlachtaí eisitheora, tairgeora nó duine atá ag iarraidh dul isteach le hagahidh trádála, nó soláthraí seirbhísí criptea-shócmhainní, a cheaptar i gcomhréir leis an dlí náisiúnta, a bhfuil sé de chumhacht acu straitéis, cuspóirí agus treo foriomlán an eintitis a shocrú, agus a dhéanann maoirseacht agus faireachán ar chinnteoireacht na bainistíochta san eintiteas agus ina n-áirítear na daoine a stiúrann gnó an eintitis go héifeachtach’.