Airteagal 50 Coláistí maoirseachta AML/CFT san earnáil seach-airgeadais

1.   Áiritheoidh na Ballstáit go mbeidh na maoirseoirí seach-airgeadais atá i gceannas ar mháthairghnóthas grúpa eintiteas faoi oibleagáid san earnáil seach-airgeadais nó ar cheannoifig eintitis faoi oibleagáid san earnáil seach-airgeadais in ann coláistí maoirseachta tiomnaithe AML/CFT a chur ar bun in aon cheann de na cásanna seo a leanas:

Beidh feidhm ag an mír seo freisin maidir le struchtúir a chomhroinneann úinéireacht choiteann, bainistíocht choiteann nó rialú coiteann maidir le comhlíonadh, lena n-áirítear líonraí nó comhpháirtíochtaí a bhfuil feidhm ag ceanglais uile-ghrúpa maidir leo de bhun Airteagal 16 de Rialachán (AE) 2024/1624.

Is iad a bheidh i mbuanchomhaltaí an choláiste an maoirseoir seach-airgeadais atá i gceannas ar an máthairghnóthas nó ar an gceannoifig agusna maoirseoirí seach-airgeadais atá i gceannas ar bhunaíochtaí i mBallstáit óstacha nó atá i gceannas ar an maoirseacht ar an eintiteas sin faoi oibleagáid i mBallstáit eile sna cásanna a chumhdaítear le hAirteagal 37(1), an dara fomhír.

2.   Áiritheoidh na Ballstáit, i gcás nach gcuirfidh an maoirseoir seach-airgeadais atá i gceannas ar mháthairghnóthas grúpa nó ar cheannoifig eintitis faoi oibleagáid coláiste ar bun, gur féidir leis na maoirseoirí seach-airgeadais dá dtagraítear i mír 1, an dara fomhír, pointe (b), tuairim a chur isteach á rá, ag féachaint do na rioscaí sciúrtha airgid agus maoinithe sceimhlitheoireachta a bhfuil an t-eintiteas faoi oibleagáid nó an grúpa neamhchosanta orthu agus do scála a ghníomhaíochtaí trasteorann, go gcuirfear coláiste ar bun. Cuirfidh 2 mhaoirseoir seach-airgeadais ar a laghad an tuairim sin isteach agus díreofar í chuig:

I gcás inar comhlacht féinrialála é an maoirseoir seach-airgeadais dá dtagraítear i bpointe (a) den chéad fhomhír den mhír seo, cuirfear atá i gceannas ar mhaoirseacht a dhéanamh ar an gcomhlacht féinrialála sin de bhun Airteagal 52 an tuairim sin faoi bhráid an údaráis poiblí freisin.

3.   I gcás, tar éis tuairim a chur isteach de bhun mhír 2, ina measfaidh an maoirseoir seach-airgeadais atá i gceannas ar mháthairghnóthas grúpa nó ar cheannoifig eintitis faoi oibleagáid fós nach gá coláiste a bhunú, áiritheoidh na Ballstáit go mbeidh na maoirseoirí seach-airgeadais eile in ann an coláiste a chur ar bun, ar choinníoll go bhfuil sé comhdhéanta de bheirt chomhaltaí ar a laghad. Sna cásanna sin, cinnfidh na maoirseoirí seach-airgeadais eatarthu féin cé hé nó hí an maoirseoir atá i gceannas ar an gcoláiste. Cuirfear an maoirseoir seach-airgeadais atá i gceannas ar mháthairghnóthas grúpa nó ar cheannoifig eintitis faoi oibleagáid ar an eolas faoi ghníomhaíochtaí an choláiste agus beidh sé in ann dul isteach sa choláiste tráth ar bith.

4.   Chun críocha mhír 1, áiritheoidh na Ballstáit go ndéanfaidh na maoirseoirí seach-airgeadais iad seo a leanas a shainaithint:

5.   I gcásanna ina ndéanfaidh eintitis faoi oibleagáid san earnáil seach-airgeadais gníomhaíochtaí i mBallstáit eile faoin tsaoirse chun seirbhísí a sholáthar, féadfaidh maoirseoir seach-airgeadais an Bhallstáit baile cuireadh a thabhairt do mhaoirseoirí seach-airgeadais na mBallstát sin a bheith rannpháirteach sa choláiste mar bhreathnóirí.

6.   I gcás ina n-áirítear aon institiúid creidmheasa nó institiúid airgeadais i ngrúpa san earnáil seach-airgeadais, ach nach gcomhlíonann a láithreacht sa ghrúpa an tairseach chun coláiste a bhunú de bhun Airteagal 49, iarrfaidh an maoirseoir a chuireann an coláiste ar bun ar mhaoirseoirí airgeadais na n-institiúidí creidmheasa nó na n-institiúidí airgeadais sin a bheith rannpháirteach sa choláiste.

7.   Féadfaidh na Ballstáit cur ar bun coláistí maoirseachta AML/CFT a cheadú i gcás ina bhfuil bunaíochtaí bunaithe in dhá thríú tír ar a laghad ag eintiteas faoi oibleagáid san earnáil seach-airgeadais atá bunaithe san Aontas. Féadfaidh maoirseoirí seach-airgeadais iarraidh ar a gcontrapháirtithe sna tríú tíortha sin an coláiste sin a chur ar bun. Bunóidh na maoirseoirí seach-airgeadais atá rannpháirteach sa choláiste comhaontú i scríbhinn ina mbeidh mionsonraí ar na coinníollacha agus na nósanna imeachta a bhaineann leis an gcomhar agus leis an malartú faisnéise.

I gcás ina gcuirtear an coláiste ar bun i ndáil le heintitis faoi oibleagáid dá dtagraítear in Airteagal 3, pointí (3)(a) agus (b) de Rialachán (AE) 2024/1624 nó grúpaí díobh, áireofar sa chomhaontú i scríbhinn dá dtagraítear sa chéad fhomhír den mhír seo freisin nósanna imeachta chun a áirithiú nach gcomhroinnfear aon fhaisnéis arna bailiú de bhun Airteagal 21(2) de Rialachán (AE) 2024/1624, mura mbeidh feidhm ag an dara fomhír d’Airteagal 21(2).

8.   Áiritheoidh na Ballstáit go n-úsáidfear coláistí, i measc nithe eile, chun faisnéis a mhalartú, cúnamh frithpháirteach a sholáthar nó an cur chuige maoirseachta i leith an ghrúpa nó an eintitis faoi oibleagáid a chomhordú, lena n-áirítear, i gcás inarb ábhartha, bearta iomchuí comhréireacha a dhéanamh chun aghaidh a thabhairt ar sháruithe tromchúiseacha ar Rialacháin (AE) 2024/1624 agus (AE) 2023/1113 a bhraitear ar leibhéal an ghrúpa nó an eintitis faoi oibleagáid nó sna bunaíochtaí arna mbunú ag an ngrúpa nó ag an eintiteas faoi oibleagáid i ndlínse maoirseora atá rannpháirteach sa choláiste.

9.   Féadfaidh AMLA freastal ar chruinnithe choláistí maoirseachta AML/CFT agus éascóidh sé a gcuid oibre i gcomhréir le hAirteagal 36 de Rialachán (AE) 2024/1620. I gcás ina gcinnfidh AMLA páirt a ghlacadh i gcruinnithe choláiste maoirseachta AML/CFT, beidh stádas breathnóra aige.

10.   Féadfaidh maoirseoirí seach-airgeadais a cheadú dá gcontrapháirtithe i dtríú tíortha a bheith rannpháirteach mar bhreathnóirí i gcoláistí maoirseachta AML/CFT sa chás dá dtagraítear i mír 1, pointe (b) nó i gcás ina n-oibríonn eintitis faoi oibleagáid de chuid an Aontais san earnáil seach-airgeadais, nó grúpaí díobh, brainsí agus fochuideachtaí sna tríú tíortha sin, ar choinníoll:

Áiritheoidh na Ballstáit go ndéanfaidh maoirseoirí seach-airgeadais atá i gceannas ar mháthairghnóthas grúpa nó ar cheannoifig eintitis faoi oibleagáid nó, sna cásanna a chumhdaítear le mír 3, ar an gcoláiste, measúnú an bhfuil coinníollacha na chéad fhomhíre den mhír seo á gcomhlíonadh agus cuirfidh siad faoi bhráid bhuanchomhaltaí an choláiste é. Déanfar an measúnú sin sula gceadaítear don chontrapháirtí tríú tír a bheith ina chomhalta den choláiste agus féadfar é a dhéanamh arís de réir mar is gá ina dhiaidh sin. Féadfaidh na maoirseoirí seach-airgeadais atá i gceannas ar an measúnú tacaíocht a lorg ó AMLA chun an measúnú sin a dhéanamh.

11.   I gcás ina measfaidh buanchomhaltaí an choláiste gur gá sin, féadfar cuireadh a thabhairt do bhreathnóirí breise, ar choinníoll go gcomhlíontar na ceanglais rúndachta. Féadfaidh FIUnna a bheith san áireamh i mbreathnóirí.

12.   I gcás ina n-easaontaíonn comhaltaí coláiste maidir leis na bearta atá le déanamh i ndáil le heintiteas faoi oibleagáid, féadfaidh siad an t-ábhar a tharchur chuig AMLA agus a chúnamh a iarraidh i gcomhréir le hAirteagal 38 de Rialachán (AE) 2024/1620. Déanfaidh AMLA a thuairim a chur ar fáil maidir leis an ábhar easaontais laistigh de 2 mhí.

13.   Faoin 10 Iúil 2026, forbróidh AMLA dréachtchaighdeáin theicniúla rialála agus cuirfidh sé faoi bhráid an Choimisiúin iad lena nglacadh. Sonrófar an méid seo a leanas sna dréachtchaighdeáin theicniúla rialála sin:

Tarmligtear chuig an gCoimisiún an chumhacht chun an Treoir seo a fhorlíonadh trí na caighdeáin theicniúla rialála dá dtagraítear sa chéad fhomhír a ghlacadh i gcomhréir le hAirteagail 49 go 52 de Rialachán (AE) 2024/1620.

14.   Faoin 10 Iúil 2029 agus gach dhá bhliain ina dhiaidh sin, eiseoidh AMLA tuairim maidir le feidhmiú choláistí maoirseachta AML/CFT san earnáil seach-airgeadais. Áireofar an méid seo a leanas sa tuairim sin: