CAIBIDIL II Eilimintí breise maidir le córais, prótacail, agus uirlisí chun tionchar an riosca TFC a íoslaghdú

déantar cearta rochtana ar shócmhainní faisnéise, sócmhainní TFC, agus na feidhmeanna tacaithe a bhaineann leo, agus rochtain ar shuíomhanna criticiúla an eintitis airgeadais, a bhainistiú ar bhonn riachtanais eolais, ar bhonn riachtanais úsáide agus ar bhonn phrionsabal an údaráis is lú, lena n-áirítear cianrochtain agus rochtain éigeandála;

freagracht úsáideora, lena n-áirithítear go bhféadfaí úsáideoirí a shainaithint maidir leis na gníomhaíochtaí a rinneadh sna córais TFC;

nósanna imeachta bainistíochta cuntais maidir le cearta rochtana a dheonú, a athrú nó a chúlghairm do chuntais úsáideoirí agus cuntais chineálacha, lena n-áirítear cuntais chineálacha riarthóra;

modhanna fíorúcháin atá ag teacht leis an aicmiú dá dtagraítear in Airteagal 30(1) agus le próifíl riosca fhoriomlán na sócmhainní TFC, agus ar a bhfuil cleachtais atá chun tosaigh bunaithe;

déantar athbhreithniú go tréimhsiúil ar chearta rochtana agus déantar iad a tharraingt siar nuair nach bhfuil gá leo a thuilleadh.

faireachán agus bainistíocht a dhéanamh ar shaolré na sócmhainní TFC uile;

faireachán a dhéanamh maidir le cé acu an dtacaíonn nó nach dtacaíonn soláthraithe seirbhíse TFC tríú páirtí eintiteas airgeadais le sócmhainní TFC, i gcás inarb infheidhme;

riachtanais inniúlachta dá sócmhainní TFC a shainaithint chomh maith le bearta chun infhaighteacht agus éifeachtúlacht na sócmhainní TFC a choinneáil ar bun agus a fheabhsú agus ganntanais maidir le hinniúlacht TFC a chosc sula dtagann siad chun cinn;

scanadh leochaileachta uathoibrithe agus measúnaithe ar shócmhainní TFC a dhéanamh a thagann lena n-aicmiú dá dtagraítear in Airteagal 30(1) agus le próifíl riosca fhoriomlán na sócmhainne TFC, paistí a chur chun feidhme chun aghaidh a thabhairt ar leochaileachtaí a sainaithníodh;

rioscaí a bhainistiú a bhaineann le sócmhainní TFC atá imithe as dáta, sócmhainní nach dtacaítear leo, nó sócmhainní leagáidí;

cuntas a dhéanamh ar theagmhais a bhaineann le rialú rochtana loighciúla nó fisiciúla, oibríochtaí TFC, lena n-áirítear gníomhaíochtaí tráchta iompair agus gréasáin, agus bainistíocht athruithe TFC;

bearta a shainaithint agus a chur chun feidhme chun faireachán agus anailís a dhéanamh ar fhaisnéis maidir le gníomhaíochtaí aimhrialta agus iompraíocht aimhrialta maidir le hoibríochtaí TFC criticiúla nó tábhachtacha;

bearta a chur chun feidhme chun faireachán a dhéanamh ar fhaisnéis ábhartha agus atá cothrom le dáta maidir le cibearbhagairtí;

bearta a chur chun feidhme chun sceitheadh faisnéise, cód mailíseach agus bagairtí slándála eile a d’fhéadfaí a bheith ann a shainaithint, chomh maith le leochaileachtaí atá aitheanta go poiblí i mbogearraí agus crua-earraí a shainaithint, agus seiceáil a dhéanamh maidir le nuashonruithe slándála comhfhreagracha nua.

bearta a shainaithint agus a chur chun feidhme chun cosaint a thabhairt do shonraí atá á úsáid, faoi bhealach agus á stóráil;

bearta slándála a shainaithint agus a chur chun feidhme maidir le bogearraí, meáin stórála sonraí, a úsáid, córais agus gairis chríochphointe a úsáid a dhéanann sonraí an eintitis airgeadais a aistriú agus a stóráil;

bearta a shainaithint agus a chur chun feidhme chun naisc neamhúdaraithe ar ghréasán an eintitis airgeadais a chosc agus a bhrath, agus chun trácht an ghréasáin a chosaint idir gréasáin inmheánacha an eintitis airgeadais agus an t-idirlíon agus naisc sheachtracha eile;

bearta a shainaithint agus a chur chun feidhme a áirithíonn infhaighteacht, barántúlacht, sláine, agus rúndacht na sonraí le linn tarchur gréasán;

próiseas chun sonraí a scriosadh go slán atá ar áitreabh, nó atá á stóráil go seachtrach, nach bhfuil gá leo don eintiteas airgeadais a thuilleadh chun iad a bhailiú nó a stóráil;

próiseas chun díchoimisiúnú nó fáil réidh go slán le gairis stórála sonraí atá ar áitreabh, nó gairis stórála sonraí atá á stóráil, a bhfuil faisnéis rúnda iontu;

bearta a shainaithint agus a chur chun feidhme chun a áirithiú nach mbeadh tionchar díobhálach ag teilea-obair ná úsáid de ghairis chríochphointe phríobháideacha ar chumas an eintitis airgeadais a ghníomhaíochtaí criticiúla a dhéanamh ar bhealach oiriúnach, tráthúil, agus slán.

a áirithiú, sula ndéantar aon éadáil nó forbairt ar chórais TFC, lena n-áirítear ceanglais slándála faisnéise, go bhfuil na ceanglais fheidhmiúla agus neamhfheidhmiúla sonraithe agus formheasta go soiléir ag an bhfeidhm ghnó lena mbaineann;

faomhadh agus tástáil na gcóras TFC a áirithiú sula mbainfear úsáid astu den chéad uair agus sula dtabharfar isteach athruithe ar an timpeallacht táirgeachta;

bearta a shainaithint chun na rioscaí maidir le hathrú neamhbheartaithe nó ionramháil bheartaithe ar na córais TFC a mhaolú le linn forbartha agus cur chun feidhme sa timpeallacht táirgeachta.