1. Glacfaidh na heintitis faoi oibleagáid bearta iomchuí, atá comhréireach le cineál a ngnó, lena n-áirítear a rioscaí agus a chasta atá sé, agus a méid, chun rioscaí go dtarlódh sciúradh airgid agus maoiniú na sceimhlitheoireachta a bhfuil siad neamhchosanta orthu a shainaithint agus a mheasúnú, chomh maith le rioscaí nach gcuirfí smachtbhannaí airgeadais spriocdhírithe chun feidhme nó go ndéanfaí iad a sheachaint, agus an méid seo a leanas á gcur san áireamh, ar a laghad:
|
(a)
|
na hathróga riosca a leagtar amach in Iarscríbhinn I agus na tosca riosca a leagtar amach in Iarscríbhinní II agus III;
|
|
(b)
|
torthaí an mheasúnaithe riosca fhornáisiúnta ar leibhéal an Aontais arna dhéanamh ag an gCoimisiún de bhun Airteagal 7 de Threoir (AE) 2024/1640;
|
|
(c)
|
torthaí na measúnuithe riosca náisiúnta a dhéanann na Ballstáit de bhun Airteagal 8 de Threoir (AE) 2024/1640, chomh maith le haon mheasúnú riosca earnáilsonrach ábhartha a dhéanann na Ballstáit;
|
|
(d)
|
faisnéis ábhartha arna foilsiú ag socraitheoirí caighdeán idirnáisiúnta i réimse AML/CFT nó, ar leibhéal an Aontais, foilseacháin ábhartha ón gCoimisiún nó ó AMLA;
|
|
(e)
|
faisnéis a sholáthraíonn údaráis inniúla maidir le rioscaí sciúrtha airgid agus maoinithe sceimhlitheoireachta;
|
|
(f)
|
faisnéis faoin mbonn custaiméirí.
|
Sula seolfar táirgí, seirbhísí nó cleachtais ghnó nua, lena n-áirítear úsáid bealaí seachadta nua agus teicneolaíochtaí nua nó teicneolaíochtaí atá ag forbairt, i gcomhar le táirgí agus seirbhísí nua nó táirgí agus seirbhísí atá ann cheana nó sula dtosófar ar sheirbhís nó táirge atá ann cheana a sholáthar do ghrúpa custaiméirí nua nó i limistéar geografach nua, déanfaidh na heintitis faoi oibleagáid na rioscaí sciúrtha airgid agus maoinithe sceimhlitheoireachta gaolmhara a shainaithint agus a mheasúnú agus déanfaidh siad bearta iomchuí chun na rioscaí sin a bhainistiú agus a mhaolú.