2. Cinnfidh eintitis faoi oibleagáid méid na mbeart dá dtagraítear i mír 1 ar bhonn anailíse aonair ar na rioscaí sciúrtha airgid agus maoinithe sceimhlitheoireachta ag féachaint do shaintréithe sonracha an chliaint agus na gaolmhaireachta gnó nó an idirbhirt ócáidigh, agus an measúnú riosca uileghnó arna dhéanamh ag an eintiteas faoi oibleagáid de bhun Airteagal 10 agus na hathróga sciúrtha airgid agus maoinithe sceimhlitheoireachta a leagtar amach in Iarscríbhinn I á gcur san áireamh, chomh maith leis na tosca riosca a leagtar amach in Iarscríbhinní II agus III.
I gcás ina sainaithníonn eintitis faoi oibleagáid riosca méadaithe go dtarlódh sciúradh airgid nó maoiniú sceimhlitheoireachta, glacfaidh siad bearta feabhsaithe díchill chuí de bhun Roinn 4 den Chaibidil seo. I gcás ina sainaithnítear cásanna a mbaineann riosca níos ísle leo, féadfaidh eintitis faoi oibleagáid bearta simplithe díchill chuí a chur i bhfeidhm de bhun Roinn 3 den Chaibidil seo.