Airteagal 4 1

(a)

go mbeidh soláthraí seirbhísí TFC tríú páirtí freagrach as soláthar na seirbhísí a sholáthraíonn na fochonraitheoirí;

(b)

go gceanglófar ar sholáthraí seirbhísí TFC tríú páirtí faireachán a dhéanamh ar gach seirbhís TFC ar fochonradh lena dtacaítear le feidhmeanna criticiúla nó tábhachtacha nó codanna ábhartha díobh chun a áirithiú go gcomhlíonfar a oibleagáidí conarthacha leis an eintiteas airgeadais go leanúnach;

(c)

oibleagáidí faireacháin agus tuairiscithe an tsoláthraí seirbhísí TFC tríú páirtí i leith an eintitis airgeadais maidir le fochonraitheoirí a sholáthraíonn seirbhísí TFC lena dtacaítear le feidhmeanna criticiúla nó tábhachtacha nó codanna ábhartha díobh;

(d)

go ndéanfaidh soláthraí seirbhísí TFC tríú páirtí measúnú ar gach riosca a bhaineann le suíomh na bhfochonraitheoirí reatha nó féideartha a sholáthraíonn seirbhís TFC lena dtacaítear le feidhmeanna criticiúla nó tábhachtacha nó codanna ábhartha díobh, agus ar a máthairghnóthas agus leis an suíomh óna soláthraítear seirbhís TFC lena mbaineann;

(e)

an suíomh sonraí arna bpróiseáil nó arna stóráil ag an bhfochonraitheoir, i gcás inarb ábhartha;

(f)

go sonróidh soláthraí seirbhísí TFC tríú páirtí ina chonradh lena fhochonraitheoirí oibleagáidí faireacháin agus tuairiscithe an fhochonraitheora sin i leith soláthraí seirbhísí TFC tríú páirtí, agus i gcás ina gcomhaontófar amhlaidh, i leith an eintitis airgeadais;

(g)

go n-áiritheoidh soláthraí seirbhísí TFC tríú páirtí leanúnachas na seirbhísí TFC lena dtacaítear le feidhmeanna criticiúla nó tábhachtacha ar fud shlabhra na bhfochonraitheoirí i gcás ina mainneoidh fochonraitheoir TFC a oibleagáidí conarthacha a chomhlíonadh;

(h)

go gcuimseofar sa socrú conarthach idir soláthraí seirbhísí TFC tríú páirtí agus a fhochonraitheoirí na ceanglais maidir le pleananna teagmhasacha gnó dá dtagraítear in Airteagal 30(3), pointe (c), de Rialachán (AE) 2022/2554 agus go sonrófar ann na leibhéil seirbhíse nach mór d’fhochonraitheoirí TFC a chomhlíonadh i ndáil leis na pleananna sin;

(i)

go sonrófar sa socrú conarthach idir soláthraí seirbhísí TFC tríú páirtí agus a fhochonraitheoirí caighdeáin slándála TFC agus aon cheanglas slándála breise dá dtagraítear in Airteagal 30(3), pointe (c), de Rialachán (AE) 2022/2554;

(j)

go ndeonóidh an fochonraitheoir na cearta céanna rochtana, cigireachta agus iniúchóireachta don eintiteas airgeadais agus do na húdaráis inniúla agus réitigh ábhartha agus a thugtar dóibh siúd dá dtagraítear in Airteagal 30(3), pointe (e), de Rialachán (AE) 2022/2554;

(k)

go dtabharfaidh soláthraí seirbhísí TFC tríú páirtí fógra don eintiteas airgeadais faoi aon athrú ábhartha ar shocruithe fochonraitheoireachta;

(l)

go mbeidh sé de cheart ag an eintiteas airgeadais an conradh le soláthraí seirbhísí TFC tríú páirtí a fhoirceannadh nuair a bheidh na coinníollacha a leagtar síos in Airteagal 6 den Rialachán seo nó na coinníollacha a leagtar síos in Airteagal 8(7) de Rialachán (AE) 2022/2554 comhlíonta.