Artikolu 4 1

(a)

li l-fornitur terz ta’ servizzi tal-ICT ikun responsabbli għall-forniment tas-servizzi pprovduti mis-sottokuntratturi;

(b)

li l-fornitur terz ta’ servizzi tal-ICT ikun meħtieġ jimmonitorja s-servizzi tal-ICT sottokuntrattati kollha li jappoġġaw funzjonijiet kritiċi jew importanti jew partijiet materjali tagħhom biex jiżgura li l-obbligi kuntrattwali tiegħu mal-entità finanzjarja jiġu ssodisfati kontinwament;

(c)

l-obbligi ta’ monitoraġġ u rapportar tal-fornitur terz ta’ servizzi tal-ICT lejn l-entità finanzjarja fir-rigward tas-sottokuntratturi li jipprovdu servizzi tal-ICT li jappoġġaw funzjonijiet kritiċi jew importanti jew partijiet materjali tagħhom;

(d)

li l-fornitur terz ta’ servizzi tal-ICT għandu jivvaluta r-riskji kollha assoċjati mal-post tas-sottokuntratturi attwali jew potenzjali li jipprovdu servizzi tal-ICT li jappoġġaw funzjonijiet kritiċi jew importanti jew partijiet materjali tagħhom, u fejn tinsab il-kumpanija prinċipali tagħhom u mal-post minn fejn jiġi pprovdut is-servizz tal-ICT ikkonċernat;

(e)

il-post fejn id-data tiġi pproċessata jew maħżuna mis-sottokuntrattur, fejn rilevanti;

(f)

li l-fornitur terz ta’ servizzi tal-ICT għandu jispeċifika fil-kuntratt tiegħu mas-sottokuntratturi tiegħu l-obbligi ta’ monitoraġġ u rapportar ta’ dak is-sottokuntrattur lejn il-fornitur terz ta’ servizzi tal-ICT, u fejn miftiehem, lejn l-entità finanzjarja;

(g)

li l-fornitur terz ta’ servizzi tal-ICT għandu jiżgura l-kontinwità tas-servizzi tal-ICT li jappoġġaw funzjonijiet kritiċi jew importanti tul il-katina kollha tas-sottokuntratturi f’każ ta’ nuqqas minn sottokuntrattur tal-ICT li jissodisfa l-obbligi kuntrattwali tiegħu;

(h)

li l-arranġament kuntrattwali bejn il-fornitur terz ta’ servizzi tal-ICT u s-sottokuntratturi tiegħu jkun fih ir-rekwiżiti dwar il-pjanijiet ta’ kontinġenza tan-negozju msemmija fl-Artikolu 30(3), il-punt (c), tar-Regolament (UE) 2022/2554 u jispeċifika l-livelli ta’ servizz li għandhom jiġu ssodisfati mis-sottokuntratturi tal-ICT fir-rigward ta’ dawk il-pjanijiet;

(i)

li l-arranġament kuntrattwali bejn il-fornitur terz ta’ servizzi tal-ICT u s-sottokuntratturi tiegħu jispeċifika l-istandards tas-sigurtà tal-ICT u kwalunkwe rekwiżit ta’ sigurtà addizzjonali msemmi fl-Artikolu 30(3), il-punt (c), tar-Regolament (UE) 2022/2554;

(j)

li s-sottokuntrattur għandu jagħti lill-entità finanzjarja u lill-awtoritajiet kompetenti u ta’ riżoluzzjoni rilevanti l-istess drittijiet ta’ aċċess, spezzjoni u awditjar bħal dawk imsemmija fl-Artikolu 30(3), il-punt (e), tar-Regolament (UE) 2022/2554;

(k)

li l-fornitur terz ta’ servizzi tal-ICT għandu jinnotifika lill-entità finanzjarja dwar kwalunkwe bidla materjali fl-arranġamenti ta’ sottokuntrattar;

(l)

li l-entità finanzjarja jkollha d-dritt li tittermina l-kuntratt mal-fornitur terz ta’ servizzi tal-ICT meta jkunu ġew issodisfati l-kundizzjonijiet stabbiliti fl-Artikolu 6 ta’ dan ir-Regolament jew il-kundizzjonijiet stabbiliti fl-Artikolu 28(7) tar-Regolament (UE) 2022/2554.