2. Rieżami tal - informazzjoni u tad - dokumenti dwar l - impriża ewlenija applikanti u l - grupp tagħha

L- awtoritajiet kompetenti għandhom jirrieżaminaw l- informazzjoni u d - dokumenti relatati mal - impriża ewlenija applikanti bil - ħsieb li jivverifikaw jekk l - awtorità(jiet) kompetenti tal - pajjiż terz ġietx/ġewx infurmata/infurmati kif xieraq dwar il - pjan li tiġi stabbilita TCB fl - Istat Membru u jekk esprimietx xi riżerva.

Għal dan il - għan, l - awtoritajiet kompetenti għandhom jieħdu l - passi meħtieġa biex jiksbu fehim sħiħ tad - dikjarazzjoni ta' ebda oppożizzjoni mill - awtorità kompetenti tal - pajjiż terz sottomessa fl- applikazzjoni, jew biex jiksbu dikjarazzjoni ta' ebda oppożizzjoni għall - istabbiliment tat - TCB direttament mill - awtorità kompetenti tal - pajjiż terz kif stabbilit fil -Parti III. L-awtoritajiet kompetenti jibqgħu liberi li jaslu għal konklużjoni differenti mid - dikjarazzjoni tal - awtorità kompetenti tal - pajjiż terz, filwaqt li jikkunsidraw ukoll il - valutazzjoni ġenerali tal - applikazzjoni.

L- awtoritajiet kompetenti għandhom ikunu jistgħu jaċċessaw l - informazzjoni kollha meħtieġa dwar l- impriża ewlenija applikanti, l - impriża ewlenija intermedja u l - impriża ewlenija apikali mill - awtoritajiet superviżorji ta' dik l - impriża ewlenija u jikkoordinaw b'mod effettiv l -attivitajiet superviżorji tagħhom ma' dawk tal - awtoritajiet superviżorji ta' pajjiżi terzi.

Sabiex jivvalutaw li l - impriża ewlenija applikanti, l - impriża ewlenija intermedja u l - impriża ewlenija omm apikali, kif applikabbli, ma tkunx f'xi waħda mis - sitwazzjonijiet imsemmija fl - Artikolu 48d(1), il - punt (b) tas - CRD, l - awtoritajiet kompetenti għandhom b'mod partikolari jkunu żguri li, abbażi tar - rieżami tal - applikazzjoni:

• (a) l- impriżi ewlenin għandhom ikunu kapaċi jiffinanzjaw l -operazzjonijiet tat- TCB u jżommu struttura finanzjarja soda.

13

• (b) ma hemm l - ebda raġuni raġonevoli biex jiġi konkluż li l - impriża ewlenija x’aktarx se tiffaċċja diffikultajiet finanzjarji u tikser ir - rekwiżiti prudenzjali applikabbli fit -12-il xahar ta’ wara.

L- awtoritajiet kompetenti għandhom ikunu żguri li ma hemm l - ebda impediment legali għat - TCB li tikkonforma mal - leġiżlazzjoni tal - UE u dik nazzjonali, abbażi tal - opinjoni legali sottomessa bħala parti mill - applikazzjoni.