Artikolu 3 Proċeduri operattivi għat-trażmissjoni tal-informazzjoni bejn l-awtoritajiet kompetenti

1.   L-awtoritajiet kompetenti tal-Istat Membru ta' domiċilju għandhom iżommu u jaqsmu mal-awtoritajiet kompetenti tal-Istati Membru ospitanti lista aġġornata għal kull istituzzjoni li fiha l-kuntatti rilevanti, inklużu l-kuntatti ta' emerġenza għall-iskambju ta' informazzjoni bejn l-awtoritajiet kompetenti tal-Istat Membru ta' domiċilju u tal-Istati Membri ospitanti.

L-awtoritajiet kompetenti tal-Istat Membru ospitanti għandhom jinfurmaw lill-awtoritajiet kompetenti tal-Istat Membru ta' domiċilju bil-kuntatti tagħhom u b'kull bidla f'dawn il-kuntatti mingħajr dewmien żejjed. L-awtoritajiet kompetenti tal-Istat Membru ta' domiċilju u tal-Istati Membri ospitanti għandhom jirrevedu l-lista tal-kuntatti kull sena.

2.   L-informazzjoni għandha tiġi skambjata f'forma miktuba jew elettronika u għandha tkun indirizzata lejn persuni ta' kuntatt rilevanti identifikati fil-lista ta' kuntatti msemmija fil-paragrafu 1 sakemm ma jkunx speċifikat mod ieħor minn awtorità li titlob l-informazzjoni.

3.   Meta l-informazzjoni tiġi skambjata f'forma elettronika, ta' mezzi sikuri ta' komunikazzjoni għandhom jintużaw sakemm l-awtoritajiet kompetenti jqisu li hu xieraq li jużaw kanali ta' komunikazzjoni mhux garantiti.

4.   L-informazzjoni li ġejja tista' tiġi pprovduta verbalment qabel ma tiġi kkonfermata f'forma miktuba jew elettronika:

5.   l-awtoritajiet kompetenti għandhom jtikkonfermaw l-irċevuta tal-informazzjoni. Fejn l-informazzjoni tkun ġiet ipprovduta f'forma elettronika permezz ta' mezz sikur ta' komunikazzjoni l-konferma għandha tiġi pprovduta permezz tal-istess mezz. M'hemmx għalfejn tintalab konferma għal informazzjoni li tkun ġiet ipprovduta bil-fomm jew bl-użu ta' kanal sikur ta' komunikazzjoni li tippermetti lill-emittent li jirċievi konferma li r-riċevent irċieva l-informazzjoni.

6.   Fejn kulleġġ ta' superviżuri ġie stabbilit skont l- Artikolu 51(3) tad- Direttiva 2013/36/UE u fejn il-fergħat kollha tal-istituzzjoni huma kkunsidrati bħala sinifikanti l-paragrafi 1 sa 5 ta' dan l-Artikolu m'għandhomx japplikaw. F'każijiet bħal dawn l-informazzjoni għandha tiġi skambjata permezz tal-proċedura stabbilita f'arranġamenti bil-miktub imsemmija fl-Artikolu 51(3) tad-Direttiva 2013/36/UE.