+Artikolu 30 2.

Artikolu 30 2.

L-Istati Membri għandhom, f’konformità mal-liġi nazzjonali, jiżguraw li l-awtoritajiet kompetenti jkollhom is-setgħa li jimponu mill-inqas is-sanzjonijiet amministrattivi li ġejjin jew jieħdu mill-inqas il-miżuri amministrattivi li ġejjin f’każ tal-ksur imsemmi fil-punt (a) tal-ewwel subparagrafu tal-paragrafu 1:

(a) 

ordni li teħtieġ li l-persuna responsabbli għall-ksur twaqqaf l-aġir u ma tirrepetix dan l-aġir;

(b) 

iċ-ċediment (“disgorgement”) tal-profitti miksuba jew it-telf evitat minħabba l-ksur, sa fejn dawn ikunu jistgħu jiġu determinati;

(c) 

twissija pubblika li tindika l-persuna responsabbli għall-ksur u n-natura tal-ksur;

(d) 

irtirar jew sospensjoni tal-awtorizzazzjoni ta’ kumpanija ta’ investiment;

▼M5

(e) 

projbizzjoni temporanja ta’ persuna li twettaq responsabbiltajiet maniġerjali f’ditta tal-investiment jew kwalunkwe persuna fiżika oħra, li tinżamm responsabbli għall-ksur, milli teżerċita funzjonijiet maniġerjali f’ditti tal-investiment, kif ukoll f’amministraturi ta’ parametri referenzjarji jew f’kontributuri taħt superviżjoni;

(f) 

fil-każ ta’ ksur ripetut tal-Artikolu 14 jew 15, projbizzjoni ta’ mill-inqas 10 snin ta’ kwalunkwe persuna li twettaq responsabbiltajiet maniġerjali f’ditta tal-investiment, amministratur ta’ parametri referenzjarji jew kontributur taħt superviżjoni jew kwalunkwe persuna fiżika oħra li tinżamm responsabbli għall-ksur, milli teżerċita funzjonijiet maniġerjali f’ditti tal-investiment, kif ukoll f’amministraturi ta’ parametri referenzjarji jew f’kontributuri taħt superviżjoni;

(g) 

projbizzjoni temporanja ta’ persuna li twettaq responsabbiltajiet maniġerjali f’ditta tal-investiment, amministraturi ta’ parametri referenzjarji jew kontributur taħt superviżjoni, jew kwalunkwe persuna fiżika oħra li tinżamm responsabbli għall-ksur, milli tinnegozja f’isimha stess;

▼B

(h) 

sanzjonijiet pekunjarji amministrattivi massimi ta’ mhux inqas minn tliet darbiet l-ammont tal-profitti miksuba jew it-telf evitat minħabba l-ksur fejn dawk ikunu jistgħu jiġu determinati.

(i) 

fir-rigward ta’ persuna fiżika, sanzjonijiet pekunjarji amministrattivi massimi ta’ mhux inqas minn:

(i) 

għall-ksur tal-Artikoli 14 u 15, EUR 5 000 000 , jew fl-Istati Membri fejn l-euro ma tkunx il-munita uffiċjali, il-valur korrispondenti fil-munita nazzjonali fit-2 ta’ Lulju 2014;

(ii) 

għall-ksur tal-Artikoli 16 u 17, EUR 1 000 000 jew fl-Istati Membri fejn l-euro ma tkunx il-munita uffiċjali, il-valur korrispondenti fil-munita nazzjonali fit-2 ta’ Lulju 2014; u

(iii) 

għall-ksur tal-Artikoli 18, 19 u 20, EUR 500 000 jew fl-Istati Membri fejn l-euro ma tkunx il-munita uffiċjali, il-valur korrispondenti fil-munita nazzjonali fit-2 ta’ Lulju 2014; u

▼M5

(j) 

fir-rigward ta’ persuni ġuridiċi, sanzjonijiet pekunarji amministrattivi massimi ta’ mhux anqas minn:

(i) 

għall-ksur tal-Artikoli 14 u 15, 15 % tal-fatturat annwali totali tal-persuna ġuridika skont l-aħħar kontijiet disponibbli approvati mill-korp maniġerjali jew EUR 15 000 000 jew, fl-Istati Membri fejn l-euro ma tkunx il-munita uffiċjali, il-valur korrispondenti fil-munita nazzjonali fit-2 ta’ Lulju 2014;

(ii) 

għall-ksur tal-Artikolu 16,2 % tal-fatturat annwali totali tagħha skont l-aħħar kontijiet disponibbli approvati mill-korp maniġerjali, jew EUR 2 500 000 jew, fl-Istati Membri fejn l-euro ma tkunx il-munita uffiċjali, il-valur korrispondenti fil-munita nazzjonali fit-2 ta’ Lulju 2014;

(iii) 

għall-ksur tal-Artikolu 17,2 % tal-fatturat annwali totali tagħha skont l-aħħar kontijiet disponibbli approvati mill-korp maniġerjali. Meta l-awtoritajiet kompetenti jqisu li l-ammont għas-sanzjoni amministrattiva bbażat fuq il-fatturat annwali totali jkun sproporzjonatament baxx fir-rigward taċ-ċirkostanzi msemmija fl-Artikolu 31(1), il-punti (a), (b), u (d) sa (h), l-Istati Membri għandhom jiżguraw li tali awtoritajiet jistgħu jimponu sanzjonijiet amministrattivi ta’ mill-inqas EUR 2 500 000 . Fejn il-persuna ġuridika tkun SME, l-Istati Membri jistgħu jiżguraw li tali awtoritajiet jistgħu b’mod alternattiv jimponu sanzjonijiet amministrattivi ta’ mill-inqas EUR 1 000 000 jew, fl-Istati Membri li l-munita tagħhom ma tkunx l-euro, il-valuri korrispondenti fil-munita nazzjonali fit-2 ta’ Lulju 2014;

(iv) 

għall-ksur tal-Artikoli 18 u 19, 0,8  % tal-fatturat annwali totali tagħha skont l-aħħar kontijiet disponibbli approvati mill-korp maniġerjali. Meta l-awtoritajiet kompetenti jqisu li l-ammont għas-sanzjoni amministrattiva bbażat fuq il-fatturat annwali totali jkun sproporzjonatament baxx fir-rigward taċ-ċirkostanzi msemmija fl-Artikolu 31(1), il-punti (a), (b), u (d) sa (h), l-Istati Membri għandhom jiżguraw li tali awtoritajiet jistgħu jimponu sanzjonijiet amministrattivi ta’ mill-inqas EUR 1 000 000 . Fejn il-persuna ġuridika tkun SME, l-Istati Membri jistgħu jiżguraw li tali awtoritajiet jistgħu b’mod alternattiv jimponu sanzjonijiet amministrattivi ta’ mill-inqas EUR 400 000 jew, fl-Istati Membri li l-munita tagħhom ma tkunx l-euro, il-valuri korrispondenti fil-munita nazzjonali fit-2 ta’ Lulju 2014;

(v) 

għall-ksur tal-Artikolu 20, 0,8  % tal-fatturat annwali totali tagħha skont l-aħħar kontijiet disponibbli approvati mill-korp maniġerjali, jew EUR 1 000 000 jew, fl-Istati Membri fejn l-euro ma tkunx il-munita uffiċjali, il-valuri korrispondenti fil-munita nazzjonali fit-2 ta’ Lulju 2014.

▼B

Ir-referenzi għall-awtorità kompetenti f’dan il-paragrafu huma mingħajr ħsara għall-kapaċità tal-awtorità kompetenti li teżerċita l-funzjonijiet tagħha bi kwalunkwe mod imsemmi fl-Artikolu 23(1).

Għall-finijiet tal-ewwel subparagrafu, il-punt (j), meta l-persuna ġuridika tkun impriża prinċipali jew sussidjarja ta’ impriża li tkun meħtieġa tħejji kontijiet finanzjarji konsolidati skont id-Direttiva 2013/34/UE tal-Parlament Ewropew u tal-Kunsill ( 15 ), il-fatturat rilevanti annwali totali għandu jkun il-fatturat totali annwali jew it-tip korrispondenti ta’ introjtu skont id-Direttivi rilevanti dwar il-kontabilità – id-Direttiva tal-Kunsill 86/635/KEE ( 16 ) għall-banek u d-Direttiva tal-Kunsill 91/674/KEE ( 17 ) għall-kumpaniji tal-assigurazzjoni – skont l-aħħar kontijiet konsolidati disponibbli approvati mill-korp maniġerjali tal-impriża prinċipali ewlenija.

1. Ħarsa ġenerali

,

1.1 Referenzi

1.2 Rekwiżiti identifikati

1.3 Standards relatati

2. Rekwiżiti identifikati

Rekwiżiti

3. Standards relatati

Standards
  • Builddate: 05.06.2026 00:00:00 -Doknr: CELEX:32014R0596
  • EULAW -

    EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.

    DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.