Artikolu 3 Identifikazzjoni tas-setturi esposti fil-livell nazzjonali

1.   Meta Stat Membru jidentifika li, minbarra l-entitajiet marbutin b'obbligu, entitajiet f'setturi oħra huma esposti għar-riskji tal-ħasil tal-flus u tal-finanzjament tat-terroriżmu, dan jista' jiddeċiedi li għal dawk l-entitajiet addizzjonali japplika għalkollox jew parzjalment ir -Regolament (UE) 2024/1624.

2.   Għall-finijiet tal-paragrafu 1, l-Istati Membri għandhom jinnotifikaw ill-Kummissjoni bl-intenzjoni tagħhom li japplikaw għalkollox jew parzjalment ir-Regolament (UE) 2024/1624 għall-entitajiet f'setturi oħra. Tali notifika għandha tkun akkumpanjata bi:

3.   L-Istati Membri għandhom jipposponu l-adozzjoni tal-miżuri nazzjonali għal sitt xhur mid-data tan-notifika msemmija fil-paragrafu 2.

Il-posponiment imsemmi fl-ewwel subparagrafu ta’ dan il-paragrafu m'għandux japplika f'każijiet fejn il-miżura nazzjonali jkollha l-għan li tindirizza theddida serja u preżenti ta' ħasil tal-flus jew ta' finanzjament tat-terroriżmu. F'dak il-każ, in-notifika msemmija fil-paragrafu 2 għandha tkun akkompanjata b’ġustifikazzjoni għaliex l-Istat Membru mhux ser jipposponi l-adozzjoni tagħha.

4.   Qabel ma jintemm il-perjodu msemmi fil-paragrafu 3, il-Kummissjoni, wara li tkun ikkonsultat l-Awtorità għall-Ġlieda Kontra l-Ħasil tal-Flus u l-Finanzjament tat-Terroriżmu stabbilita bir-Regolament (UE) 2024/1620 (AMLA), għandha toħroġ opinjoni dettaljata dwar jekk il-miżura prevista:

L-opinjoni dettaljata msemmija fl-ewwel subparagrafu għandha tindika wkoll jekk il-Kummissjoni għandhiex l-intenzjoni li tipproponi azzjoni fil-livell tal-Unjoni.

5.   Meta l-Kummissjoni ma tqisx li jkun xieraq li tipproponi azzjoni fil-livell tal-Unjoni, l-Istat Membru kkonċernat għandu, fi żmien xahrejn minn meta jirċievi l-opinjoni dettaljata msemmija fil-paragrafu 4, jirrapporta lill-Kummissjoni dwar l-azzjoni li jkun qed jipproponi f’dan ir-rigward. Il-Kummissjoni għandha tikkummenta dwar l-azzjoni proposta mill-Istat Membru.

6.   Meta l-Kummissjoni tindika l-intenzjoni tagħha li tipproponi azzjoni fil-livell tal-Unjoni f’konformità mal-paragrafu 4, it-tieni subparagrafu, l-Istat Membru kkonċernat għandu jastjeni milli jadotta l-miżuri nazzjonali msemmija fil-paragrafu 2, il-punt (d), dment li dawk il-miżuri nazzjonali ma jkollhomx l-għan li jindirizzaw theddida serja u preżenti ta' ħasil tal-flus jew ta' finanzjament tat-terroriżmu.

7.   Meta, fid-9 ta’ Lulju 2024, l-Istati Membri jkunu diġà applikaw dispożizzjonijiet nazzjonali li jittrasponu d-Direttiva (UE) 2015/849 għal setturi oħra li mhumiex entitajiet marbutin b'obbligu, dawn jistgħu japplikaw għalkollox jew parzjalment ir-Regolament (UE) 2024/1624 għal dawk is-setturi.

Sal-10 ta’ Jannar 2028, l-Istati Membri għandhom jinnotifikaw lill-Kummissjoni bis-setturi identifikati fil-livell nazzjonali skont l-ewwel subparagrafu ta’ dan il-paragrafu li għalihom japplikaw ir-rekwiżiti tar-Regolament (UE) 2024/1624, flimkien ma' ġustifikazzjoni tal-iskopertura ta' dawk is-setturi għar-riskji tal-ħasil tal-flus u tal-finanzjament tat-terroriżmu. Fi żmien 6 xhur minn tali notifika, il-Kummissjoni, wara li tkun ikkonsultat l-AMLA, għandha toħroġ opinjoni dettaljata skont l-paragrafu 4. Meta l-Kummissjoni ma tqisx li jkun xieraq li tipproponi azzjoni fil-livell tal-Unjoni, għandu japplika l-paragrafu 5.

8.   Sal-10 ta’ Lulju 2028 u kull sena wara dan, il-Kummissjoni għandha tippubblika lista konsolidata tas-setturi li għalihom l-Istati Membri jkunu ddeċidew li japplikaw għalkollox jew parzjalment ir- -Regolament (UE) 2024/1624 f'Il-Ġurnal Uffiċjali tal-Unjoni Ewropea.