Artikolu 37 5

(a)

jaqsmu l-informazzjoni rilevanti mal-entitajiet marbutin b'obbligu skont l-Artikolu 39;

(b)

jiddeċiedu fuq dawk il-każijiet fejn ir-riskji speċifiċi inerenti f'settur huma ċari u jinftiehmu u l-valutazzjonijiet tar-riskju individwali ddokumentati skont l-Artikolu 10 tar-Regolament (UE) 2024/1624 ma humiex meħtieġa;

(c)

jivverifikaw l-adegwatezza u l-implimentazzjoni tal-politiki, il-proċeduri u l-kontrolli interni tal-entitajiet marbutin b'obbligu skont il-Kapitolu II tar-Regolament (UE) 2024/1624 u tar-riżorsi umani allokati għat-twettiq tal-kompiti meħtieġa skont dak ir-Regolament, kif ukoll, għas-superviżuri ta' intrapriżi ta' investiment kollettiv, jiddeċiedu dwar dawk il-każijiet fejn l-intrapriża ta' investiment kollettiv tista' testernalizza r-rappurtar ta' attivitajiet suspettużi skont l-Artikolu 18(7), tar-Regolament (UE) 2024/1624 lil fornitur ta' servizz;

(d)

jivvalutaw u jimmonitorjaw b'mod regolari r-riskji tal-ħasil tal-flus u l-finanzjament tat-terroriżmu kif ukoll ir-riskji ta’ nonimplimentazzjoni u ta' evażjoni tas-sanzjonijiet finanzjarji mmirati li l-entitajiet marbutin b'obbligu huma esposti għalihom;

(e)

jimmonitorjaw il-konformità tal-entitajiet marbutin b'obbligu mal-obbligi tagħhom fir-rigward ta' sanzjonijiet finanzjarji mmirati;

(f)

iwettqu l-investigazzjonijiet kollha meħtieġa mhux fuq il-post, spezzjonijiet fuq il-post kif ukoll tematiċi u kwalunkwe investigazzjoni, valutazzjoni u analiżi oħra meħtieġa biex jivverifikaw li l-entitajiet marbutin b'obbligu jirrispettaw ir-Regolament (UE) 2024/1624, u kwalunkwe miżura amministrattiva li tittieħed skont l-Artikolu 56;

(g)

jieħdu miżuri superviżorji xierqa biex jindirizzaw kwalunkwe ksur tar-rekwiżiti applikabbli mill-entitajiet marbutin b'obbligu identifikati fil-proċess tal-valutazzjonijiet superviżorji u jsegwu l-implimentazzjoni ta' tali miżuri.