Artikolu 8 Identifikazzjoni u valutazzjoni tal-impatti negattivi reali u potenzjali

iwettqu eżerċizzju ta’ identifikazzjoni bikrija, abbażi biss ta’ informazzjoni raġonevolment disponibbli, biex jidentifikaw oqsma ġenerali fl-operazzjonijiet tagħhom stess, dawk tas-sussidjarji tagħhom u, meta jkunu relatati mal-ktajjen ta’ attivitajiet tagħhom, dawk tas-sħab kummerċjali tagħhom, fejn x’aktarx l-aktar li jseħħu l-impatti negattivi u li jkunu l-aktar severi;

abbażi tar-riżultati tal-eżerċizzju ta' identifikazzjoni bikrija imsemmija fil-punt (a), iwettqu valutazzjoni fil-fond fl-oqsma fejn l-impatti negattivi ġew identifikati li huma l-aktar probabbli li jseħħu u jkunu l-aktar severi.

il-kumpaniji jistgħu jitolbu informazzjoni mingħand is-sħab kummerċjali biss meta dik l-informazzjoni tkun meħtieġa, u, fil-każ ta’ sħab kummerċjali b’anqas minn 5 000 impjegat, biss meta l-informazzjoni ma tkunx tista’ tinkiseb b’mod raġonevoli b’mezzi oħra;

meta l-informazzjoni meħtieġa tkun tista’ tinkiseb minn sħab kummerċjali differenti, il-kumpaniji jagħtu prijorità lill-għoti ta’ informazzjoni, meta jkun raġonevoli, direttament mis-sieħeb jew mis-sħab kummerċjali meta l-impatti negattivi jkunu l-aktar probabbli li jseħħu;

meta l-impatti negattivi jiġu identifikati bħala ugwalment probabbli li jseħħu jew li jkunu ugwalment severi f’diversi oqsma, il-kumpaniji jistgħu jagħtu prijorità lill-valutazzjoni ta’ tali oqsma li jinvolvu sħab kummerċjali diretti.