Artikolu 5 Pjanijiet ta' rkupru preventiv

1.   L-Istati Membri għandhom jiżguraw li l-impriżi tal-assigurazzjoni u tar-riassigurazzjoni li ma humiex parti minn grupp soġġett għall-ippjanar ta' rkupru preventiv skont l-Artikolu 7, u li jissodisfaw il-kriterji stabbiliti fil-paragrafu 2 jew 3 ta' dan l-Artikolu, ifasslu u jżommu aġġornat pjan ta' rkupru preventiv. Dak il-pjan ta' rkupru preventiv għandu jkun fih miżuri li għandhom jittieħdu mill-impriża kkonċernata sabiex tirrestawra l-pożizzjoni finanzjarja tagħha fejn dik il-pożizzjoni tkun iddeterjorat b'mod sinifikanti.

It-tfassil, l-aġġornament u l-applikazzjoni ta' pjanijiet ta' rkupru preventiv għandhom jitqiesu bħala parti mis-sistema ta' governanza skont it-tifsira tal-Artikolu 41 tad-Direttiva 2009/138/KE.

2.   L-Istati Membri għandhom jiżguraw li l-awtorità superviżorja tissoġġetta lill-impriżi tal-assigurazzjoni u tar-riassigurazzjoni għal rekwiżiti ta' ppjanar tal-irkupru preventiv abbażi tad-daqs, il-mudell tan-negozju, il-profil tar-riskju, l-interkonnettività u s-sostitwibbiltà, l-importanza tagħhom għall-ekonomija tal-Istati Membri li joperaw fihom, u l-attivitajiet transfruntiera tagħhom, b'mod partikolari attivitajiet transfruntiera sinifikanti.

L-awtoritajiet superviżorji għandhom jiżguraw li tal-anqas 60 % tas-suq tal-assigurazzjoni u tar-riassigurazzjoni tal-ħajja tal-Istat Membru u tal-anqas 60 % tas-suq tal-assigurazzjoni u tar-riassigurazzjoni mhux tal-ħajja – is-sehem tas-suq tal-ħajja bbażat fuq provvedimenti tekniċi grossi u s-sehem tas-suq mhux tal-ħajja bbażat fuq primjums grossi miktuba – ikunu soġġetti għal rekwiżiti ta' ppjanar ta' rkupru preventiv skont dan l-Artikolu.

Fil-kalkolu tal-livell ta' kopertura tas-suq imsemmi fit-tieni subparagrafu, l-impriżi sussidjarji tal-assigurazzjoni jew tar-riassigurazzjoni ta' grupp jistgħu jitqiesu meta dawk l-impriżi sussidjarji tal-assigurazzjoni jew tar-riassigurazzjoni jkunu parti minn grupp li għalih l-impriża omm apikali tkun qed tfassal u żżomm pjan ta' rkupru preventiv ta' grupp.

3.   Kwalunkwe impriża tal-assigurazzjoni jew tar-riassigurazzjoni li tkun soġġetta għal pjan ta' riżoluzzjoni għandha tkun soġġetta għal rekwiżiti ta' ppjanar preventiv għall-irkupru.

L-impriżi żgħar u mhux kumplessi ma għandhomx ikunu soġġetti għal rekwiżiti ta' ppjanar ta' rkupru preventiv, ħlief meta awtorità superviżorja tqis li tali impriża tirrappreżenta riskju partikolari fil-livell nazzjonali jew reġjonali.

4.   L-awtoritajiet superviżorji għandhom jiżguraw li l-impriżi tal-assigurazzjoni u tar-riassigurazzjoni jaġġornaw il-pjanijiet ta' rkupru preventiv tagħhom mill-inqas kull sentejn, u fi kwalunkwe każ:

5.   Il-pjanijiet ta' rkupru preventiv ma għandhomx jassumu li ser ikollhom aċċess, jew li ser jirċievu għajnuna finanzjarja pubblika straordinarja.

6.   L-Istati Membri għandhom jirrikjedu li l-pjanijiet ta' rkupru preventiv ikun fihom dawn kollha li ġejjin:

7.   L-Istati Membri għandhom jirrikjedu li l-impriżi tal-assigurazzjoni u tar-riassigurazzjoni jivvalutaw il-kredibbiltà u l-fattibbiltà tal-pjanijiet ta' rkupru preventiv tagħhom, b'mod partikolari l-qafas ta' indikaturi msemmi fil-paragrafu 8 u l-azzjonijiet ta' rimedju, fuq medda ta' xenarji ta' stress makroekonomiku u finanzjarju serju rilevanti għall-kundizzjonijiet speċifiċi tal-impriża tal-assigurazzjoni jew tar-riassigurazzjoni, inkluż avvenimenti mifruxin mas-sistema kollha, avvenimenti ta' stress idjosinkratiku li x'aktarx jaffettwaw materjalment il-profil tal-assi u tal-obbligazzjonijiet tagħhom, u taħlitiet ta' tali avvenimenti ta' stress.

8.   L-Istati Membri għandhom jirrikjedu li l-impriżi tal-assigurazzjoni u tar-riassigurazzjoni jiżguraw li l-pjanijiet ta' rkupru preventiv tagħhom ikun fihom qafas ta' indikaturi kwalitattivi u kwantitattivi li jidentifikaw il-punti li fihom jenħtieġ li jiġu kkunsidrati jew meħuda l-azzjonijiet ta' rimedju. Dawk l-indikaturi jistgħu jinkludu kriterji relatati fost l-oħrajn mal-kapital, mal-likwidità, mal-kwalità tal-assi, mal-profittabbiltà, mal-kundizzjonijiet tas-suq, mal-kundizzjonijiet makroekonomiċi u mal-avvenimenti operazzjonali. L-indikaturi relatati mal-pożizzjoni kapitali għandhom bħala minimu jkun fihom kwalunkwe ksur tar-Rekwiżit Kapitali tas-Solvenza stabbilit fit-Titolu I, il-Kapitolu VI, it-Taqsima 4, tad-Direttiva 2009/138/KE.

L-Istati Membri għandhom jeżiġu li kwalunkwe ksur tar-Rekwiżit Kapitali tas-Solvenza jirriżulta f'azzjoni ta' rimedju xierqa mill-impriża kkonċernata f'konformità mal-pjan ta' rkupru preventiv.

L-Istati Membri għandhom jirrikjedu li l-awtoritajiet superviżorji jiżguraw li l-impriżi tal-assigurazzjoni u tar-riassigurazzjoni jistabbilixxu arranġamenti xierqa għall-monitoraġġ regolari tal-indikaturi msemmija fl-ewwel subparagrafu.

9.   Impriża tal-assigurazzjoni jew tar-riassigurazzjoni li tiddeċiedi li tieħu azzjoni ta' rimedju li tinsab fil-pjan ta' rkupru preventiv tagħha, jew li tiddeċiedi li ma tiħux azzjoni ta' rimedju bħal din għalkemm ikun ġie ssodisfat indikatur kif imsemmi fil-paragrafu 8, l-ewwel subparagrafu, għandha tinnotifika tali deċiżjoni lill-awtorità superviżorja mingħajr dewmien.

10.   Il-korp amministrattiv, maniġerjali jew superviżorju ta' impriża tal-assigurazzjoni jew tar-riassigurazzjoni kif imsemmi fil-paragrafu 1 għandu jivvaluta u japprova l-pjan ta' rkupru preventiv qabel ma jippreżentah lill-awtorità superviżorja għal rieżami.

11.   L-EIOPA għandha, sad-29 ta’ Jannar 2027, toħroġ linji gwida skont l-Artikolu 16 tar-Regolament (UE) Nru 1094/2010 li jispeċifikaw aktar:

12.   L-EIOPA għandha tiżviluppa abbozzi ta' standards tekniċi regolatorji li jispeċifikaw aktar:

L-EIOPA għandha tippreżenta dawk l-abbozzi ta' standards tekniċi regolatorji lill-Kummissjoni sad-29 ta’ Lulju 2026.

Il-Kummissjoni qed tingħata s-setgħa li tissupplimenta din id-Direttiva billi tadotta l-istandards tekniċi regolatorji msemmijin fl-ewwel subparagrafu f'konformità mal-Artikoli 10 sa 14 tar-Regolament (UE) Nru 1094/2010.