ANNESS IV

Referenzi legali u struzzjonijiet

Numru tar-ringiela

Spjegazzjoni

(a)

Id-dikjarazzjoni konċiża tar-riskju approvata mill-korp maniġerjali b’applikazzjoni tal-punt (f) tal-Artikolu 435(1) CRR tiddeskrivi kif il-mudell tan-negozju jiddetermina u jinteraġixxi mal-profil tar-riskju ġenerali: pereżempju, ir-riskji ewlenin relatati mal-mudell tan-negozju u kif kull wieħed minn dawn ir-riskji huwa rifless u deskritt fid-divulgazzjonijiet tar-riskji, jew kif il-profil tar-riskju tal-istituzzjoni jinteraġixxi mat-tolleranza tar-riskju approvata mill-korp maniġerjali.

Fid-dikjarazzjoni tar-riskju fl-applikazzjoni tal-punt (f) tal-Artikolu 435(1) CRR, l-istituzzjonijiet għandhom jiddikjaraw ukoll in-natura, il-firxa, l-iskop u s-sustanza ekonomika tat-tranżazzjonijiet materjali fil-grupp, l-affiljati u l-partijiet relatati. Id-divulgazzjoni għandha tkun limitata għal tranżazzjonijiet li għandhom impatt materjali fuq il-profil tar-riskju tal-istituzzjoni (inkluż ir-riskju reputazzjonali) jew fuq id-distribuzzjoni tar-riskji fil-grupp. L-istituzzjonijiet għandhom jinkludu wkoll proporzjonijiet u ċifri ewlenin li juru kif il-profil tar-riskju tal-istituzzjoni jinteraġixxi mat-tolleranza tar-riskju stabbilita mill-korp maniġerjali.

(b)

L-informazzjoni li għandha tiġi ddikjarata b’applikazzjoni tal-punt (b) tal-Artikolu 435(1) CRR tinkludi l-istruttura tal-governanza tar-riskju għal kull tip ta’ riskju: ir-responsabbiltajiet attribwiti fil-istituzzjoni kollha (inkluż, fejn rilevanti, is-sorveljanza u d-delega tal-awtorità u d-diżaggregazzjoni tar-responsabbiltajiet bejn il-korp maniġerjali, il-linji tan-negozju u l-funzjoni tal-ġestjoni tar-riskji skont it-tip ta’ riskju, l-unità operatorja, u informazzjoni rilevanti oħra); ir-relazzjonijiet bejn il-korpi u l-funzjonijiet involuti fil-proċessi ta’ ġestjoni tar-riskji (inkluż, kif xieraq, il-korp maniġerjali, il-kumitat tar-riskju, il-funzjoni tal-ġestjoni tar-riskji, il-funzjoni tal-konformità, l-uffiċċju tal-awditjar intern); u l-proċeduri organizzazzjonali u ta’ kontroll intern.

Meta jiżvelaw l-istruttura u l-organizzazzjoni tal-funzjoni tal-ġestjoni tar-riskji rilevanti, l-istituzzjonijiet għandhom jikkomplementaw id-divulgazzjoni bl-informazzjoni li ġejja:

(c)

Id-dikjarazzjoni li l-istituzzjonijiet għandhom jiddikjaraw f’konformità mal-punt (e) tal-Artikolu 435(1) CRR, dwar l-adegwatezza tal-arranġamenti tal-ġestjoni tar-riskji, trid tiġi approvata mill-korp maniġerjali u tipprovdi assigurazzjoni li s-sistemi ta’ ġestjoni tar-riskji stabbiliti huma adegwati filwaqt li jqisu l-profil tar-riskju tal-istituzzjoni u l-istrateġija tagħha.

(d)

Bħala parti mid-divulgazzjonijiet meħtieġa fil-punt (c) tal-Artikolu 435(1) CRR, l-istituzzjonijiet għandhom jiddikjaraw il-kamp ta’ applikazzjoni u n-natura tas-sistemi ta’ divulgazzjoni u/jew ta’ kejl tar-riskji u d-deskrizzjoni tal-fluss fuq ir-riskju lill-korp maniġerjali u lill-maniġment superjuri.

(e)

Meta jipprovdu informazzjoni dwar il-karatteristiċi ewlenin tas-sistemi ta’ divulgazzjoni u ta’ kejl tar-riskji b’applikazzjoni tal-punt (c) tal-Artikolu 435(1) CRR, l-istituzzjonijiet għandhom jiddikjaraw il-politiki tagħhom rigward ir-rieżamijiet sistematiċi u regolari tal-istrateġiji ta’ ġestjoni tar-riskji, u l-valutazzjoni perjodika tal-effettività tagħhom.

(f)

Id-divulgazzjoni dwar l-istrateġiji u l-proċessi għall-ġestjoni tar-riskji b’applikazzjoni tal-punt (a) tal-Artikolu 435(1) CRR għandha tinkludi informazzjoni kwalitattiva dwar l-ittestjar tal-istress, bħall-portafolli soġġetti għall-ittestjar tal-istress, ix-xenarji adottati u l-metodoloġiji użati, u l-użu tal-ittestjar tal-istress fil-ġestjoni tar-riskji.

(g)

L-istituzzjonijiet għandhom jipprovdu informazzjoni dwar l-istrateġiji u l-proċessi għall-ġestjoni, għall-kopertura u għall-mitigazzjoni tar-riskji, kif ukoll dwar il-monitoraġġ tal-effettività tal-ħeġġijiet u tal-mitiganti f’konformità mal-punti (a) u (d) tal-Artikolu 435(1) CRR għal riskji li jirriżultaw mill-mudell tan-negozju tal-istituzzjonijiet.

Referenzi legali u struzzjonijiet

Numru tar-ringiela

Spjegazzjoni

(a)

L-istituzzjonijiet għandhom jiddikjaraw in-numru ta’ direttorati miżmuma mill-membri tal-korp maniġerjali f’konformità mal-punt (a) tal-Artikolu 435(2) CRR. Meta tiġi ddikjarata din l-informazzjoni, japplikaw l-ispeċifikazzjonijiet li ġejjin:

(b)

Meta jiddikjaraw informazzjoni dwar il-politika ta’ reklutaġġ għall-għażla tal-membri tal-korp maniġerjali f’konformità mal-punt (b) tal-Artikolu 435(2) CRR, l-istituzzjonijiet għandhom jinkludu informazzjoni dwar l-għarfien, il-ħiliet u l-għarfien espert attwali tal-membri. L-istituzzjonijiet għandhom jinkludu informazzjoni dwar il-politika li possibbilment tirriżulta mill-ippjanar tas-suċċessjoni u dwar kwalunkwe tibdil prevedibbli fil-kompożizzjoni ġenerali tal-korp maniġerjali.

(c)

Meta jiddikjaraw il-politika ta’ diversità tagħhom f’konformità mal-punt (c) tal-Artikolu 435(2) CRR, l-istituzzjonijiet għandhom jiżvelaw informazzjoni dwar l-objettivi u kull mira rilevanti stabbilita f’dik il-politika, u sa liema punt ikunu ntlaħqu dawk l-objettivi u l-miri.

B’mod partikolari, l-istituzzjonijiet għandhom jiddikjaraw il-politika dwar id-diversità tal-ġeneru, inklużi:

(d)

L-istituzzjoni għandha tiddikjara jekk tkunx stabbiliet kumitat tar-riskju separat, u n-numru ta’ drabi li l-kumitat tar-riskju jkun iltaqa’ f’konformità mal-punt (d) tal-Artikolu 435(2) CRR.

(e)

Bħala parti mid-data dwar il-fluss ta’ informazzjoni dwar ir-riskju għall-korp maniġerjali b’applikazzjoni tal-punt (e) tal-Artikolu 435(2) CRR, l-istituzzjonijiet għandhom jiddeskrivu l-proċess tad-divulgazzjoni tar-riskju pprovdut lill-korp maniġerjali, b’mod partikolari l-frekwenza, l-ambitu u l-kontenut ewlieni tal-iskopertura għar-riskju u kif il-korp maniġerjali kien involut fid-definizzjoni tal-kontenut li għandu jiġi ddikjarat.