KAPITOLU III Kontribuzzjoni baġitarja u mekkaniżmi ta’ finanzjament

Artikolu 14

Azzjoni li tkun irċeviet kontribuzzjoni minn programm ieħor tal-Unjoni, inkluż fondi taħt ġestjoni kondiviża, tista’ tirċievi wkoll kontribuzzjoni taħt il-Programm, sakemm il-kontribuzzjonijiet ma jkoprux l-istess kostijiet. Ir-regoli tal-programm tal-Unjoni rilevanti għandhom japplikaw għall-kontribuzzjoni korrispondenti għall-azzjoni. Il-finanzjament kumulattiv ma għandux jaqbeż il-kostijiet totali eliġibbli tal-azzjoni. L-appoġġ mill-programmi differenti tal-Unjoni jista’ jiġi kkalkolat fuq bażi pro rata f’konformità mad-dokumenti li jistabbilixxu l-kondizzjonijiet għall-appoġġ.

Artikolu 16

L-ESA, f’konformità mar-regoli u l-proċeduri interni tagħha stess, tista’ tikkontribwixxi permezz ta’ programmi fakultattivi tal-ESA għall-attivitajiet ta’ żvilupp u ta’ validazzjoni li jirriżultaw mill-approċċ tal-akkwist imsemmi fl-Artikolu 19(1), filwaqt li tipproteġi l-interessi essenzjali tas-sigurtà tal-Unjoni u tal-Istati Membri tagħha.

Artikolu 17

Il-kuntratturi msemmija fl-Artikolu 19 għandhom jiffinanzjaw kompletament l-infrastruttura kummerċjali msemmija fl-Artikolu 5 sabiex jiġi ssodisfat l-objettiv imsemmi fl-Artikolu 3(1), il-punt (b).