Artikolu 8 Deżinjazzjoni tal-fornituri tas-servizzi tat-traffiku tal-ajru

1.   L-Istati Membri għandhom jiżguraw il-forniment ta’ servizzi tat-traffiku tal-ajru fuq bażi esklussiva fi blokok speċifiċi tal-ispazju tal-ajru rigward l-ispazju tal-ajru taħt ir-responsabbiltà tagħhom. Għal dan il-għan, l-Istati Membri għandhom. b’mod individwali jew kollettiv, jiddeżinjaw fornitur wieħed jew aktar tas-servizzi tat-traffiku tal-ajru. L-Istati Membri għandu jkollhom setgħat diskrezzjonali meta jiddeżinjaw fornituri tas-servizzi tat-traffiku tal-ajru, bil-kundizzjoni li tali fornituri tas-servizzi tat-traffiku tal-ajru jissodisfaw ir-rekwiżiti stipulati f’dan l-Artikolu mingħajr preġudizzju għall-Artikolu 11(3).

2.   Il-fornituri tas-servizzi tat-traffiku tal-ajru għandhom jissodisfaw il-kundizzjonijiet kumulattivi li ġejjin:

Permezz ta’ deroga mill-punti (c) u (d), Stat Membru jista’ jiddeżinja fornitur tas-servizzi tat-traffiku tal-ajru li l-post tan-negozju prinċipali tiegħu jkun jinsab f’pajjiż terz jew li ma jikkonformax mal-kundizzjonijiet dwar is-sjieda u l-kontroll stipulati fil-punt (d) biex jipprovdi servizzi tat-traffiku tal-ajru f’parti limitata tal-ispazju tal-ajru fir-responsabbiltà ta’ dak l-Istat Membru fejn dik il-parti tal-ispazju tal-ajru tkun biswit spazju tal-ajru fir-responsabbiltà ta’ dak il-pajjiż terz.

3.   Id-deżinjazzjoni ta’ fornitur tas-servizzi tat-traffiku tal-ajru ma għandha tkun soġġetta għall-ebda kundizzjoni li teżiġi li dak il-fornitur:

meta l-applikazzjoni ta’ tali kundizzjoni timplika restrizzjoni tal-libertà li jiġu pprovduti servizzi jew tal-libertà tal-istabbiliment li ma tkunx iġġustifikata fid-dawl ta’ objettiv leġittimu ta’ interess ġenerali, bħall-ordni pubbliku, is-sigurtà jew is-sikurezza pubblika, u ma tkunx proporzjonata għal dak l-objettiv.

4.   Fejn rilevanti, l-Istati Membri għandhom jispeċifikaw id-drittijiet u l-obbligi li jridu jissodisfaw il-fornituri tas-servizzi tat-traffiku tal-ajru ddeżinjati f’konformità ma’ dan l-Artikolu. Dawk l-obbligi jistgħu jinkludu kundizzjonijiet għall-provvista f’waqtha ta’ informazzjoni rilevanti li tippermetti l-identifikazzjoni tal-movimenti kollha ta’ inġenji tal-ajru fl-ispazju tal-ajru taħt ir-responsabbiltà tagħhom.

5.   L-Istati Membri għandhom jivvalutaw perjodikament id-drittijiet u l-obbligi msemmija fil-paragrafu 4 u l-konformità mal-obbligi li jirriżultaw minn dan ir-Regolament u mir-Regolament (UE) 2018/1139, jew kull meta jidentifikaw bidliet rilevanti fil-forniment tas-servizzi, u, jekk jitqies meħtieġ, għandhom jieħdu deċiżjonijiet xierqa rigward id-deżinjazzjoni tal-fornituri tas-servizzi tat-traffiku tal-ajru kkonċernati, mingħajr preġudizzju għall-kontinwità tas-servizz.

6.   L-Istati Membri għandhom jinformaw lill-Kummissjoni u lill-Istati Membri l-oħra mingħajr dewmien b’kull deċiżjoni meħuda abbażi ta’ dan l-Artikolu rigward id-deżinjazzjoni ta’ fornitur tas-servizzi tat-traffiku tal-ajru fi blokok speċifiċi tal-ispazju tal-ajru fir-rigward tal-ispazju tal-ajru taħt ir-responsabbiltà tagħhom.