Artikolu 27 Emenda għall-Annessi I, II, III u V

1.   Sabiex jiġi żgurat li l-Anness I jelenka l-atti legali rilevanti kollha tal-Unjoni li skonthom id-data dwar sustanzi kimiċi tiġi ġġenerata jew sottomessa lill-Aġenziji jew lill-Kummissjoni, u sabiex il-pjattaforma komuni tad-data tinżamm aġġornata, hekk kif jidħlu fis-seħħ atti legali ġodda tal-Unjoni li skonthom tiġi ġġenerata jew sottomessa data dwar sustanzi kimiċi, jew att legali eżistenti tal-Unjoni jiġi emendat biex jintroduċi dispożizzjonijiet dwar il-ġenerazzjoni jew is-sottomissjoni ta’ data, il-Kummissjoni għandha tadotta atti delegati skont l-Artikolu 28 biex temenda l-Anness I billi żżid dawk l-atti legali tal-Unjoni f’dak l-Anness, fejn l-att legali tal-Unjoni kkonċernat ma jkunx emenda l-Anness I kif xieraq.

2.   Il-Kummissjoni għandha s-setgħa li tadotta atti delegati skont l-Artikolu 28 biex temenda l-Anness II ta’ dan ir-Regolament billi żżid valuri ta’ referenza ġodda derivati skont il-liġi tal-Unjoni dwar il-prodotti mediċinali, filwaqt li tqis l-avvanzi fid-diġitalizzazzjoni u fl-interoperabbiltà kif ukoll ir-rilevanza tal-valuri għal oqsma oħra ta’ politika u regolatorji dwar is-sustanzi kimiċi.

3.   Sabiex jiġi żgurat li l-Anness III jelenka l-atti legali kollha tal-Unjoni li skonthom jitwettqu l-proċessi regolatorji dwar is-sustanzi kimiċi jew il-gruppi ta’ sustanzi kimiċi mill-awtoritajiet kompetenti tal-Istati Membri, mill-ECHA, mill-EEA, mill-EFSA, minn EU-OSHA jew mill-Kummissjoni, u sabiex il-pjattaforma komuni tad-data tinżamm aġġornata, hekk kif jidħlu fis-seħħ atti legali ġodda tal-Unjoni li skonthom jiġu stabbiliti proċessi regolatorji ġodda jew jiġi emendat att legali eżistenti tal-Unjoni biex jiġu stabbiliti proċessi regolatorji ġodda, il-Kummissjoni għandha tadotta atti delegati skont l-Artikolu 28 biex temenda l-Anness III billi żżid dawk l-atti legali tal-Unjoni f’dak l-Anness, meta l-att legalital-Unjoni kkonċernat ma jkunx emenda l-Anness III kif xieraq.

4.   Il-Kummissjoni għandha tadotta atti delegati skont l-Artikolu 28, fejn meħtieġ biex iżżomm l-Anness V komplut kemm jista’ jkun, u biex iżżomm il-pjattaforma komuni tad-data aġġornata, biex temenda l-Anness V billi żżid: