Airteagal 27 Leasú ar Iarscríbhinn I, Iarscríbhinn II, Iarscríbhinn III agus Iarscríbhinn V

1.   Chun a áirithiú go liostaítear in Iarscríbhinn I gach gníomh dlí ábhartha de chuid an Aontais ar dá mbun a ghintear sonraí ceimiceán nó faoina gcuirtear sonraí ceimiceán faoi bhráid na nGníomhaireachtaí nó an Choimisiúin, agus chun an t-ardán sonraí comhchoiteann a choinneáil cothrom le dáta, a luaithe a thagann gníomhartha dlí nua de chuid an Aontas, ar dá mbun a ghintear nó a chuirtear isteach sonraí ceimiceán, chun feidhme, nó a luaithe a leasaítear gníomh dlí de chuid an Aontais atá ann cheana chun forálacha a thabhairt isteach maidir le giniúint nó cur isteach sonraí, glacfaidh an Coimisiún gníomhartha tarmligthe i gcomhréir le hAirteagal 28 chun Iarscríbhinn I a leasú trí na gníomhartha dlí sin de chuid an Aontais a chur leis an Iarscríbhinn sin, i gcás nár leasaigh an gníomh dlí nua de chuid an Aontais lena mbaineann Iarscríbhinn I dá réir sin.

2.   Tugtar de chumhacht don Choimisiún gníomhartha tarmligthe a ghlacadh i gcomhréir le hAirteagal 28 chun Iarscríbhinn II a ghabhann leis an Rialachán seo a leasú trí luachanna tagartha nua arna ndíorthú faoi dhlí an Aontais maidir le táirgí íocshláinte a chur leis, agus dul chun cinn sa digitiú agus idir-inoibritheacht chomh maith le hábharthacht na luachanna do bheartas agus réimsí rialála eile maidir le ceimiceáin á gcur san áireamh.

3.   Chun a áirithiú go liostaítear in Iarscríbhinn III gach gníomh dlí de chuid an Aontais ar dá mbun a thugtar faoi phróisis rialála maidir le ceimiceáin nó grúpaí ceimiceán ag údaráis inniúla na mBallstát, ECHA, EEA, EFSA, EU-OSHA nó ag an gCoimisiún, agus chun an t-ardán sonraí comhchoiteann a choinneáil cothrom le dáta, a luaithe a thagann gníomhartha dlí nua de chuid an Aontais ar dá mbun a bhunaítear próisis rialála nua chun feidhme, nó a luaithe a leasaítear gníomh dlí de chuid an Aontais atá ann cheana chun próisis rialála nua a bhunú, glacfaidh an Coimisiún gníomhartha tarmligthe i gcomhréir le hAirteagal 28 chun Iarscríbhinn III a leasú trí na gníomhartha dlí sin de chuid an Aontais a chur leis an Iarscríbhinn sin, i gcás nár leasaigh an gníomh dlí nua de chuid an Aontais lena mbaineann Iarscríbhinn III dá réir sin.

4.   Glacfaidh an Coimisiún gníomhartha tarmligthe i gcomhréir le hAirteagal 28, i gcás inar gá chun Iarscríbhinn V a choinneáil chomh hiomlán agus is féidir, agus chun an t-ardán sonraí comhchoiteann a choinneáil cothrom le dáta, chun Iarscríbhinn V a leasú tríd an méid seo a leanas a chur leis: