Artikolu 2 L-impatt sistemiku tal-fornituri terzi ta’ servizzi tal-ICT fuq l-istabbiltà, il-kontinwità jew il-kwalità tal-forniment tas-servizzi finanzjarji

(a)

Is-subkriterju 1.1: is-sehem tal-għadd ta’ entitajiet finanzjarji, diżaggregat skont il-kategoriji tal-entitajiet finanzjarji kif elenkati fl-Artikolu 2(1) tar-Regolament (UE) 2022/2554, li lilhom jiġu pprovduti servizzi tal-ICT mill-istess fornitur terz ta’ servizzi tal-ICT fil-każijiet li fihom is-servizzi tal-ICT jappoġġaw funzjonijiet kritiċi jew importanti;

(b)

Is-subkriterju 1.2: is-sehem tal-valur totali tal-assi tal-entitajiet finanzjarji, diżaggregat skont il-kategoriji tal-entitajiet finanzjarji kif elenkati fl-Artikolu 2(1) tar-Regolament (UE) 2022/2554, li lilhom jiġu pprovduti servizzi tal-ICT mill-istess fornitur terz ta’ servizzi tal-ICT fil-każijiet li fihom is-servizzi tal-ICT jappoġġaw funzjonijiet kritiċi jew importanti tal-entitajiet finanzjarji.

(a)

Is-subkriterju 1.3: l-intensità tal-impatt tad-diskontinwità tas-servizzi tal-ICT ipprovduti mill-fornitur terz ta’ servizzi tal-ICT fuq l-attivitajiet u l-operazzjonijiet tal-entitajiet finanzjarji identifikati fis-subkriterji tal-“istadju 1” imsemmija fil-paragrafu 1 ta’ dan l-Artikolu u l-għadd ta’ dawn l-entitajiet finanzjarji affettwati;

(b)

Is-subkriterju 1.4: id-dipendenza tal-fornitur terz kritiku ta’ servizzi tal-ICT fuq l-istess subkuntratturi li jipprovdu servizzi tal-ICT li jappoġġaw funzjonijiet kritiċi jew importanti tal-entitajiet finanzjarji.