KAPITOLU 6 Vjeġġi fl-Unjoni bi tranżitu tramite pajjiżi terzi

l-Artikolu 38(2), il-punti (a), (c), (d) u (g) u l-Artikolu 38(3), il-punt (a), għandhom japplikaw mutatis mutandis;

meta l-pajjiż terz ikun Parti għall-Konvenzjoni ta’ Basilea u jekk il-pajjiż ikkonċernat ikun iddeċieda li ma jirrikjedix kunsens bil-miktub minn qabel u jkun informa lill-Partijiet l-oħra għall-Konvenzjoni ta’ Basilea dwar dan f’konformità mal-Artikolu 6(4) ta’ dik il-Konvenzjoni, awtorità kompetenti tat-tranżitu barra mill-Unjoni għandu jkollha 60 jum mid-data tat-trażmissjoni tal-konferma li rċeviet notifika kompluta kif suppost biex tipprovdi kunsens taċitu jew biex tagħti kunsens bil-miktub b’xi kundizzjonijiet jew mingħajrhom; jew

meta l-pajjiż terz ma jkunx Parti għall-Konvenzjoni ta’ Basilea, l-awtorità kompetenti tad-dispaċċ għandha titlob lill-awtorità kompetenti tat-tranżitu f’dak il-pajjiż terz jekk tixtieqx tibgħat il-kunsens tagħha bil-miktub għall-vjeġġ f’perjodu ta’ żmien miftiehem bejn l-awtoritajiet kompetenti.