Airteagal 10 Athbhreithniú neamhspleách ar an tsamhail tomhais riosca inmheánach

(a)

tá an t-athbhreithneoir neamhspleách;

(b)

tá na hacmhainní a shanntar don athbhreithniú iomchuí;

(c)

tá an próiseas atá bunaithe laistigh den institiúid leordhóthanach chun aghaidh a thabhairt ar mholtaí an athbhreithneora;

(d)

déanann an t-athbhreithneoir athbhreithniú ar na samhlacha inmheánacha tomhais riosca ar bhonn bliantúil ar a laghad, agus áiríonn sé conclúidí an athbhreithnithe sin i dtuarascáil a chuirtear faoi bhráid na hardbhainistíochta agus an chomhlachta bainistíochta;

(e)

leis an tuarascáil dá dtagraítear i bpointe (d), soláthraítear faisnéis leordhóthanach d’ardbhainistíocht agus do chomhlacht bainistíochta na hinstitiúide maidir leis na heilimintí uile dá dtagraítear in Airteagal 325bi(2) agus Airteagal 325bp(7) de Rialachán (AE) Uimh. 575/2013, agus sainaithnítear na réimsí sa phlean oibre bliantúil inar gá anailís níos mionsonraithe a dhéanamh ar chomhlíontacht na n-eilimintí sin;

(f)

tá an t-athbhreithniú leordhóthanach, comhréireach le méid agus castacht na bpunann lena mbaineann, agus éifeachtach chun easnaimh a shainaithint.

(a)

tá an t-athbhreithniú comhréireach le cineál, méid agus castacht ghnó agus struchtúr eagraíochtúil na hinstitiúide, agus go háirithe le castacht na samhlacha inmheánacha agus lena gcur chun feidhme;

(b)

tá acmhainní leordhóthanacha ag an athbhreithneoir chun na gníomhaíochtaí ábhartha uile a dhéanamh, agus tá foireann cháilithe aige a bhfuil taithí leordhóthanach aici;

(c)

níl baint, ná ní raibh baint, ag an athbhreithneoir le haon ghné de dhearadh ná cur chun feidhme na samhla inmheánaí atá faoi réir athbhreithniú;

(d)

tá an t-athbhreithneoir neamhspleách ar an bhfoireann agus ar an bhfeidhm bhainistíochta atá freagrach as na haonaid ghnó agus rialaithe riosca;

(e)

níl luach saothair athraitheach na foirne agus na bainistíochta atá freagrach as an athbhreithniú nasctha le feidhmíocht na gcúraimí a bhaineann le réimsí gnó trádála na hinstitiúide ar bhealach a chuireann bac nó a chuireann isteach ar a neamhspleáchas.