Airteagal 30 An uirlis deighilte sócmhainní agus dliteanas

1.   Áiritheoidh na Ballstáit go mbeidh an chumhacht ag na húdaráis réitigh sócmhainní, cearta nó dliteanais gnóthais faoi réiteach nó gnóthais idirlinne a aistriú chuig gléas bainistíochta sócmhainní agus dliteanas amháin nó níos mó.

2.   Chun críocha na huirlise deighilte sócmhainní agus dliteanas, beidh an gléas bainistíochta sócmhainní agus dliteanas ina dhuine dlítheanach:

3.   Bainisteoidh an gléas bainistíochta sócmhainní agus dliteanas na punanna a aistríodh chuige d’fhonn an luach is mó is féidir a bhaint astu trí na punanna sin a dhíol nó trí fhoirceannadh ordúil.

4.   Áiritheoidh na Ballstáit go gcomhlíonfar na ceanglais seo a leanas agus gléas bainistíochta sócmhainní agus dliteanas á oibriú:

5.   Féadfaidh na húdaráis réitigh an chumhacht a shonraítear i mír 1 a fheidhmiú chun sócmhainní, cearta nó dliteanais a aistriú i gcomhar le huirlisí réitigh eile agus i gcás ina dtarlaíonn aon cheann de na cásanna seo a leanas:

6.   Agus an uirlis deighilte sócmhainní agus dliteanas á cur i bhfeidhm, cinnfidh na húdaráis réitigh, i gcomhréir le hAirteagal 23 agus i gcomhréir le creat Státchabhrach an Aontais, an chomaoin dá ndéanfar sócmhainní, cearta agus dliteanais a aistriú chuig an ngléas bainistíochta sócmhainní agus dliteanas. D’fhéadfadh luach ainmniúil nó luach diúltach a bheith ag an gcomaoin.

7.   I gcás inar chuir na húdaráis réitigh an uirlis gnóthais idirlinne i bhfeidhm, féadfaidh gléasanna bainistíochta sócmhainní agus dliteanas sócmhainní, cearta nó dliteanais a fháil ón ngnóthas idirlinne, tar éis chur i bhfeidhm an ghnóthais idirlinne.

8.   Féadfaidh na húdaráis réitigh sócmhainní, cearta nó dliteanais a aistriú ón ngnóthas faoi réiteach chuig ceann amháin nó níos mó de na gléasanna bainistíochta sócmhainní agus dliteanas níos mó ná uair amháin agus féadfaidh siad sócmhainní, cearta nó dliteanais a aistriú ó cheann amháin nó níos mó de na gléasanna bainistíochta sócmhainní agus dliteanas chuig an ngnóthas faoi réiteach in aon cheann de na cásanna seo a leanas:

I gceachtar de na cásanna dá dtagraítear sa chéad fhomhír, pointí (a) agus (b), féadfar an t-aistriú ar ais a dhéanamh le linn aon tréimhse, agus beidh sé i gcomhréir le haon choinníoll eile arna lua san ionstraim sin le haghaidh an chuspóra ábhartha.

Maidir le haon sócmhainn, ceart nó dliteanas a aistríodh, beidh sé d’oibleagáid ar an ngnóthas faoi réiteach iad a thógáil ar ais i gcomhréir leis an gcéad fhomhír, pointí (a) agus (b).

9.   Le cuspóirí gléas bainistíochta sócmhainní agus dliteanas, ní thabharfar le tuiscint aon dualgas ná freagracht ar scairshealbhóirí ná ar chreidiúnaithe an ghnóthais faoi réiteach. Ní bheidh baill an chomhlachta riaracháin, bainistíochta nó maoirseachta ná baill na bainistíochta sinsearaí de chuid an ghléis bainistíochta sócmhainní agus dliteanas faoi dhliteanas na scairshealbhóirí ná na gcreidiúnaithe sin i leith gníomhartha nó neamhghníomhartha agus a ndualgais á gcomhlíonadh acu, ach amháin i gcás ina raibh baint ag mórfhaillí nó mí-iompar tromchúiseach faoin dlí náisiúnta ag gníomhartha nó neamhghníomhartha den sórt sin lena ndearnadh difear díreach do chearta na scairshealbhóirí nó na gcreidiúnaithe sin.

Féadfaidh na Ballstáit teorainn bhreise a chur le dliteanas gléas bainistíochta sócmhainní agus dliteanas, agus le dliteanas bhaill a chomhlachta riaracháin, bainistíochta nó maoirseachta nó le baill a bhainistíochta sinsearaí i leith gníomhartha agus neamhghníomhartha agus a ndualgais á gcomhlíonadh acu.