Artikolu 30 L-għodda ta' separazzjoni tal-assi u tal-obbligazzjonijiet

1.   L-Istati Membri għandhom jiżguraw li l-awtoritajiet ta' riżoluzzjoni jkollhom is-setgħa li jittrasferixxu assi, drittijiet jew obbligazzjonijiet ta' impriża taħt riżoluzzjoni jew ta' impriża tranżitorja għal veikolu wieħed jew aktar tal-immaniġġar tal-assi u tal-obbligazzjonijiet.

2.   Għall-finijiet tal-għodda ta' separazzjoni tal-assi u tal-obbligazzjonijiet, veikolu tal-immaniġġar tal-assi u tal-obbligazzjonijiet għandu jkun persuna ġuridika li:

3.   Il-veikolu tal-immaniġġar tal-assi u tal-obbligazzjonijiet għandha timmaniġġa l-portafolli ttrasferiti lilha bl-għan li timmassimizza l-valur tagħhom permezz tal-bejgħ ta' dawk il-portafolli jew stralċ ordnat.

4.   L-Istati Membri għandhom jiżguraw li l-operat ta' veikolu tal-immaniġġar tal-assi u tal-obbligazzjonijiet jikkonforma mar-rekwiżiti li ġejjin:

5.   L-awtoritajiet ta' riżoluzzjoni jistgħu jeżerċitaw is-setgħa speċifikata fil-paragrafu 1 li jittrasferixxu assi, drittijiet jew obbligazzjonijiet biss flimkien ma' għodod ta' riżoluzzjoni oħrajn u fejn isseħħ kwalunkwe waħda mis-sitwazzjonijiet li ġejjin:

6.   Meta japplikaw l-għodda ta' separazzjoni tal-assi u tal-obbligazzjonijiet, l-awtoritajiet ta' riżoluzzjoni għandhom, f'konformità mal-Artikolu 23 u f'konformità mal-qafas tal-Unjoni dwar l-għajnuna mill-Istat, jiddeterminaw il-korrispettiv li għalih l-assi, id-drittijiet u l-obbligazzjonijiet jiġu ttrasferiti lill-veikolu tal-immaniġġar tal-assi u tal-obbligazzjonijiet. Il-korrispettiv jista' jkollu valur nominali jew negattiv.

7.   Meta l-awtoritajiet ta' riżoluzzjoni jkunu applikaw l-għodda ta' impriża tranżitorja, il-veikoli tal-immaniġġar tal-assi u tal-obbligazzjonijiet jistgħu, wara l-applikazzjoni tal-għodda ta' impriża tranżitorja, jakkwistaw assi, drittijiet jew obbligazzjonijiet mill-impriża tranżitorja.

8.   L-awtoritajiet ta' riżoluzzjoni jistgħu jittrasferixxu assi, drittijiet jew obbligazzjonijiet mill-impriża taħt riżoluzzjoni għal veikolu wieħed jew aktar tal-immaniġġar tal-assi u tal-obbligazzjonijiet f'aktar minn okkażjoni waħda u jittrasferixxu assi, drittijiet jew obbligazzjonijiet lura minn veikolu wieħed jew aktar tal-immaniġġar tal-assi u tal-obbligazzjonijiet lill-impriża taħt riżoluzzjoni fi kwalunkwe waħda mis-sitwazzjonijiet li ġejjin:

Fi kwalunkwe wieħed mill-każijiet imsemmijin fl-ewwel subparagrafu, il-punti (a) u (b), it-trasferiment lura jista' jsir fi kwalunkwe perjodu, u għandu jikkonforma ma' kwalunkwe kondizzjoni oħra ddikjarata f'dak l-istrument għall-iskop rilevanti.

L-impriża taħt riżoluzzjoni għandha tkun obbligata li tieħu lura kwalunkwe assi, dritt jew obbligazzjoni ttrasferita f'konformità mal-ewwel subparagrafu, il-punti (a) u (b).

9.   L-objettivi ta' veikolu tal-immaniġġar tal-assi u tal-obbligazzjonijiet ma għandhom jimplikaw l-ebda dmir jew responsabbiltà għall-azzjonisti jew għall-kredituri tal-impriża taħt riżoluzzjoni. Il-membri tal-korp amministrattiv, maniġerjali jew superviżorju jew tal-maniġment superjuri tal-veikolu tal-immaniġġar tal-assi u tal-obbligazzjonijiet ma għandu jkollhom l-ebda responsabbiltà quddiem tali azzjonisti jew kredituri għal atti jew għal ommissjonijiet fit-twettiq tad-dmirijiet tagħhom, sakemm tali atti jew ommissjonijiet ma jkunux jinvolvu negliġenza serja jew imġiba ħażina serja skont il-liġi nazzjonali li affettwat direttament id-drittijiet ta' tali azzjonisti jew kredituri.

L-Istati Membri jistgħu jillimitaw ukoll l-obbligazzjoni ta' veikolu tal-immaniġġar tal-assi u tal-obbligazzjonijiet, u tal-membri tal-korp amministrattiv, maniġerjali jew superviżorju jew tal-maniġment superjuri tiegħu għal atti u għal ommissjonijiet fit-twettiq tad-dmirijiet tagħhom.