Beidh Stiúrthóir Feidhmiúcháin i gceannas ar an nGníomhaireacht agus is é an Bord Bainistíochta a cheapfaidh é ar thogra ón gCoimisiún ar feadh tréimhse cúig bliana, ar tréimhse í a bheidh inathnuaite.
Is é an Stiúrthóir Feidhmiúcháin ionadaí dlíthiúil na Gníomhaireachta.
Beidh an Stiúrthóir Feidhmiúcháin freagrach as an méid seo a leanas:
(a)
na cinntí agus na cláir arna nglacadh ag an mBord Bainistíochta a ullmhú agus a fhorghníomhú go cuí;
(b)
riarachán na Gníomhaireachta ó lá go lá;
(c)
na cúraimí a shainítear in Airteagal 12 agus in Airteagal 13 a chomhlíonadh;
(d)
na tuarascálacha a shonraítear in Airteagal 2 (h) a ullmhú agus a fhoilsiú;
(e)
na nithe go léir a bhaineann leis an bhfoireann agus na cúraimí dá dtagraítear in Airteagal 8(4) agus (5) a chomhlíonadh.
Gheobhaidh sé tuairim an choiste eolaíochta, dá dtagraítear in Airteagal 10, chun críocha foireann eolaíochta na Gníomhaireachta a earcú.