TEIDEAL I FORÁLACHA GINEARÁLTA

Airteagal 1

Bunaítear leis an Rialachán seo, ar bhonn an Chonartha lena mbunaítear an Comhphobal Eorpach do Fhuinneamh Adamhach, an Ionstraim Eorpach um Chomhar Idirnáisiúnta maidir le Sábháilteacht Núicléach (“an Ionstraim”), lena gcomhlánaítear an Ionstraim um Chomharsanacht, Forbairt agus Comhar Idirnáisiúnta - An Eoraip Dhomhanda, don tréimhse ón 1 Eanáir 2021 go dtí an 31 Nollaig 2027.

Leagtar síos leis an Rialachán seo cuspóirí na hIonstraime, a buiséad don tréimhse ón 1 Eanáir 2021 go dtí an 31 Nollaig 2027, agus foirmeacha agus modhanna cur chun feidhme cistiúcháin an Aontais.

Airteagal 4

Is é EUR 300 milliún i bpraghsanna reatha a bheidh san imchlúdach airgeadais do chur chun feidhme na hIonstraime don tréimhse ón 1 Eanáir 2021 go dtí an 31 Nollaig 2027.

Airteagal 5

Is éard a bheidh sa chreat beartais foriomlán le haghaidh chur chun feidhme an Rialacháin seo, na comhaontuithe comhpháirtíochta agus comhair, na comhaontuithe comhlachais, na comhaontuithe iltaobhacha agus comhaontuithe eile lena mbunaítear caidreamh idir an tAontas agus a thíortha comhpháirtíochta atá ceangailteach de réir dlí, mar aon le conclúidí ón gComhairle Eorpach agus conclúidí ón gComhairle, dearbhuithe ó chruinnithe mullaigh, conclúidí ó chruinnithe ardleibhéil le tíortha comhpháirtíochta, teachtaireachtaí ón gCoimisiún agus teachtaireachtaí comhpháirteacha ón gCoimisiún agus ó Ardionadaí an Aontais do Ghnóthaí Eachtracha agus don Bheartas Slándála.