Airteagal 15 Formáid malartaithe Eorpach na ríomhthaifead sláinte

1.   Faoin 26 Márta 2027, déanfaidh an Coimisiún, trí bhíthin gníomhartha cur chun feidhme, na sonraíochtaí teicniúla a leagan síos maidir leis na catagóirí tosaíochta de shonraí leictreonacha pearsanta sláinte dá dtagraítear in Airteagal 14(1), lena leagtar amach formáid malartaithe Eorpach na ríomhthaifead sláinte. Beidh formáid den sórt sin in úsáid go coitianta, inléite ag meaisín agus féadfar sonraí leictreonacha pearsanta sláinte a tharchur idir feidhmchláir bogearraí, feistí agus soláthraithe cúraim sláinte éagsúla léi. Leis an bhformáid sin, tacófar le tarchur sonraí struchtúrtha agus neamhstruchtúrtha sláinte agus beidh na heilimintí seo a leanas san fhormáid:

Déanfar na gníomhartha cur chun feidhme dá dtagraítear sa chéad fhomhír den mhír seo a ghlacadh i gcomhréir leis an nós imeachta scrúdúcháin dá dtagraítear in Airteagal 98(2).

2.   Soláthróidh an Coimisiún, trí bhíthin gníomhartha cur chun feidhme, nuashonruithe tráthrialta ar fhormáid malartaithe Eorpach na ríomhthaifead sláinte chun athbhreithnithe ábhartha ar na córais chódúcháin agus ainmníochtaí cúraim sláinte a chomhtháthú. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 98(2).

3.   Féadfaidh an Coimisiún, trí bhíthin gníomhartha cur chun feidhme, sonraíochtaí teicniúla a leagan síos chun formáid malartaithe Eorpach na ríomhthaifead sláinte a leathnú chuig catagóirí breise de shonraí leictreonacha pearsanta sláinte dá dtagraítear in Airteagal 14(1), an tríú fomhír Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 98(2).

4.   Áiritheoidh na Ballstáit go ndéanfar na catagóirí tosaíochta de shonraí leictreonacha pearsanta sláinte dá dtagraítear in Airteagal 14 a eisiúint i bhformáid malartaithe Eorpach na ríomhthaifead sláinte dá dtagraítear i mír 1 den Airteagal seo. I gcás ina dtarchuirfear sonraí den sórt sin trí mhodhanna uathoibrithe le haghaidh úsáid phríomhúil, glacfaidh an soláthraí is faighteoir le formáid na sonraí agus beidh sé nó sí in ann iad a léamh.