Airteagal 33 Oibleagáidí dáileoirí

1.   Sula gcuirfidh na dáileoirí córas RTS ar fáil ar an margadh, áiritheoidh siad an méid seo a leanas:

2.   Áiritheoidh na dáileoirí, fad atá córas RTS faoina bhfreagracht, nach n-athrófar an córas RTS ar bhealach ina gcuirfear a chomhréireacht leis na ceanglais bhunriachtanacha a leagtar síos in Iarscríbhinn II agus le haon cheanglais arna nglacadh de bhun Airteagal 42 i gcontúirt.

3.   I gcás ina measann dáileoir, nó ina bhfuil cúis aige lena chreidiúint nach bhfuil córas RTS i gcomhréir leis na ceanglais bhunriachtanacha a leagtar síos in Iarscríbhinn II agus le haon cheanglais arna nglacadh de bhun Airteagal 42, ní chuirfidh sé an córas RTS sin ar fáil ar an margadh go dtí go mbeidh sé tugtha chun comhréireachta. Cuirfidh an dáileoir an monaróir nó an t-allmhaireoir, mar aon le húdaráis faireachais margaidh na mBallstát inar cuireadh an córas RTS ar fáil ar an margadh nó ina bhfuil an córas RTS le cur ar fáil ar an margadh, ar an eolas faoi sin gan moill mhíchuí. I gcás ina measann allmhaireoir, nó ina bhfuil cúis aige lena chreidiúint, go bhfuil riosca ag baint le córas RTS do shláinte nó do shábháilteacht daoine nádúrtha, cuirfidh sé údaráis faireachais margaidh an Bhallstáit ina bhfuil an dáileoir bunaithe, mar aon leis an monaróir agus an t-allmhaireoir, ar an eolas.

4.   Tar éis do dháileoirí iarraidh réasúnaithe a fháil ó údarás faireachais margaidh, cuirfidh siad an fhaisnéis agus an doiciméadacht ar fad is gá chun comhréireacht córais RTS a léiriú ar fáil dó. Comhoibreoidh siad leis an údarás sin, arna iarraidh sin dó, agus leis an monaróir, leis an allmhaireoir agus, i gcás inarb infheidhme, le hionadaí údaraithe an mhonaróra maidir le haon ghníomhaíocht a dhéanfar chun córas RTS a thabhairt chun comhréireachta leis na ceanglais bhunriachtanacha a leagtar síos in Iarscríbhinn II agus le haon cheanglais arna nglacadh de bhun Airteagal 42, nó chun é a aisghairm nó a tharraingt siar.