Airteagal 58 Oibleagáidí na gcomhlachtaí rochtana sonraí sláinte i leith daoine nádúrtha

1.   Déanfaidh comhlachtaí rochtana sonraí sláinte faisnéis faoi na coinníollacha faoina gcuirtear sonraí leictreonacha sláinte ar fáil le haghaidh úsáid thánaisteach a chur ar fáil go poiblí agus ar bhealach sochuardaithe trí mheán leictreonach agus ar bhealach atá inrochtana do dhaoine nádúrtha. Leis an bhfaisnéis sin cumhdófar an méid seo a leanas:

2.   Má tá foráil déanta ag Ballstát don cheart chun roghnú gan bheith páirteach de bhun Airteagal 71 a fheidhmiú trí na comhlachtaí rochtana sonraí sláinte, déanfaidh na comhlachtaí rochtana sonraí sláinte ábhartha faisnéis phoiblí a sholáthar faoin nós imeachta chun roghnú gan bheith páirteach agus chun feidhmiú an chirt sin a éascú.

3.   I gcás ina gcuireann úsáideoir sonraí sláinte comhlacht rochtana sonraí sláinte ar an eolas faoi thoradh suntasach i dtaca le sláinte duine nádúrtha, amhail dá dtagraítear in Airteagal 61(5), cuirfidh an comhlacht rochtana sonraí sláinte an sealbhóir sonraí sláinte ar an eolas faoin toradh sin. Déanfaidh an sealbhóir sonraí sláinte, faoi na coinníollacha a leagtar síos leis an dlí náisiúnta, na daoine nádúrtha nó gairmí sláinte atá ag cur cóireáil ar an duine nádúrtha lena mbaineann a chur ar an eolas. Beidh sé de cheart ag daoine nádúrtha a iarraidh nach gcuirfí ar an eolas iad faoi thorthaí den sórt sin.

4.   Cuirfidh na Ballstáit an pobal i gcoitinne ar an eolas maidir le ról na gcomhlachtaí rochtana sonraí sláinte agus na tairbhí a bhaineann leo.