Airteagal 65
An caidreamh le húdaráis mhaoirseachta faoi Rialachán (AE) 2016/679
Beidh an t-údarás maoirseachta nó na húdaráis mhaoirseachta atá freagrach as faireachán a dhéanamh ar chur i bhfeidhm Rialachán (AE) 2016/679 agus as a chur i bhfeidhm a fhorfheidhmiú freagrach freisin as faireachán a dhéanamh ar chur i bhfeidhm an chirt chun a roghnú gan a bheith páirteach i bpróiseáil sonraí leictreonacha pearsanta sláinte le haghaidh úsáid thánaisteach de bhun Airteagal 71 agus as cur i bhfeidhm an chirt sin a fhorfheidhmiú. Tabharfar de chumhacht do na húdaráis mhaoirseachta sin fíneálacha riaracháin a ghearradh, suas leis an méid dá dtagraítear in Airteagal 83 de Rialachán (AE) 2016/679.
Oibreoidh na húdaráis mhaoirseachta dá dtagraítear sa chéad mhír den Airteagal seo agus na comhlachtaí rochtana sonraí sláinte dá dtagraítear in Airteagal 55 den Rialachán seo i gcomhar, i gcás inarb ábhartha, chun an Rialachán seo a fhorfheidhmiú, faoi raon a n-inniúlachtaí faoi seach. Beidh feidhm mutatis mutandis ag na forálacha ábhartha de Rialachán (AE) 2016/679.