Artikolu 58 Obbligi tal-korpi tal-aċċess għad-data dwar is-saħħa lejn persuni fiżiċi

1.   Il-korpi tal-aċċess għad-data dwar is-saħħa għandhom jagħmlu l-informazzjoni dwar il-kundizzjonijiet li taħthom id-data elettronika dwar is-saħħa ssir disponibbli għal użu sekondarju disponibbli għall-pubbliku, faċilment jinstabu permezz ta’ mezzi elettroniċi u aċċessibbli għal persuni fiżiċi. Dik l-informazzjoni għandha tkopri dan li ġej:

2.   Jekk Stat Membru jkun ippreveda li d-dritt ta’ nonparteċipazzjoni skont l-Artikolu 71 jiġi eżerċitat permezz tal-korpi tal-aċċess għad-data dwar is-saħħa, il-korpi rilevanti tal-aċċess għad-data dwar is-saħħa għandhom jipprovdu informazzjoni pubblika dwar il-proċedura ta’ nonparteċipazzjoni u jiffaċilitaw l-eżerċizzju ta’ dak id-dritt.

3.   Meta korp tal-aċċess għad-data dwar is-saħħa jkun infurmat minn utent tad-data dwar is-saħħa b’sejba sinifikanti relatata mas-saħħa ta’ persuna fiżika, kif imsemmi fl-Artikolu 61(5), il-korp tal-aċċess għad-data dwar is-saħħa għandu jinforma lill-utent tad-data dwar is-saħħa dwar is-sejba. Id-detentur tad-data dwar is-saħħa għandu, skont il-kundizzjonijiet stabbiliti mil-liġi nazzjonali, jinforma lill-persuni fiżiċi jew lill-professjonist tas-saħħa li jkun qed jikkura lill-persuna fiżika kkonċernati. Il-persuni fiżiċi għandu jkollhom id-dritt li jitolbu li ma jiġux infurmati b’tali sejbiet.

4.   L-Istati Membri għandhom jinfurmaw lill-pubbliku inġenerali dwar ir-rwol u l-benefiċċji tal-korpi tal-aċċess għad-data dwar is-saħħa.