2. Féadann na Ballstáit nós imeachta a bhunú trína bhféadfaidh sealbhóirí sonraí sláinte iarratas a dhéanamh go n-ainmneofaí iad mar shealbhóirí iontaofa sonraí sláinte, ar choinníoll go gcomhlíonann na sealbhóirí sonraí sláinte na coinníollacha seo a leanas:
|
(a)
|
is féidir leo rochtain ar shonraí sláinte a sholáthar trí thimpeallacht shlán phróiseála a chomhlíonann Airteagal 73;
|
|
(b)
|
tá an saineolas is gá acu chun measúnú a dhéanamh ar iarratais ar rochtain ar shonraí sláinte agus ar iarrataí ar shonraí sláinte;
|
|
(c)
|
soláthraíonn siad na ráthaíochtaí is gá chun a áirithiú go gcomhlíontar an Rialachán seo.
|
Ainmneoidh na Ballstáit sealbhóirí iontaofa sonraí sláinte tar éis don chomhlacht rochtana sonraí sláinte ábhartha measúnú a dhéanamh ar chomhlíonadh na gcoinníollacha sin.
Bunóidh na Ballstáit nós imeachta chun athbhreithniú tráthrialta a dhéanamh i dtaobh an leanann an sealbhóir iontaofa sonraí sláinte de na coinníollacha sin a chomhlíonadh.
Léireoidh comhlachtaí rochtana sonraí sláinte na sealbhóirí iontaofa sonraí sláinte sa chatalóg tacar sonraí dá dtagraítear in Airteagal 77.