Airteagal 26 Faireachán leanúnach a dhéanamh ar an ngaolmhaireacht gnó agus faireachán a dhéanamh ar idirbhearta a dhéanann custaiméirí

1.   Déanfaidh eintitis faoi oibleagáid faireachán leanúnach ar ghaolmhaireachtaí gnó, lena n-áirítear idirbhearta a dhéanann an custaiméir le linn gaolmhaireacht gnó, chun a áirithiú go mbeidh na hidirbhearta sin comhsheasmhach le heolas an eintitis faoi oibleagáid ar an gcustaiméir, le gníomhaíocht gnó agus le próifíl riosca an chustaiméara, agus i gcás inar gá, leis an bhfaisnéis faoi thionscnamh agus ceann scríbe na gcistí, agus chun na hidirbhearta sin a bhrath a dhéanfar faoi réir measúnú níos cuimsithí de bhun Airteagal 69(2).

I gcás ina gcumhdóidh gaolmhaireachtaí gnó níos mó ná táirge nó seirbhís amháin, áiritheoidh eintitis faoi oibleagáid go gcumhdófar leis na bearta díchill chuí do chustaiméirí na táirgí agus na seirbhísí sin go léir.

I gcás ina bhfuil gaolmhaireachtaí gnó ag eintitis faoi oibleagáid atá i ngrúpa le custaiméirí ar custaiméirí iad freisin de chuid eintiteas eile laistigh den ghrúpa sin, cibé acu is eintitis faoi oibleagáid nó gnóthais nach bhfuil faoi réir cheanglais AML/CFT iad, cuirfidh siad san áireamh faisnéis a bhaineann leis na gaolmhaireachtaí gnó eile sin chun faireachán a dhéanamh ar an ngaolmhaireacht gnó lena gcustaiméirí.

2.   I gcomhthéacs an fhaireacháin leanúnaigh dá dtagraítear i mír 1, áiritheoidh eintitis faoi oibleagáid go gcoimeádfar doiciméid, sonraí nó faisnéis ábhartha an chustaiméara cothrom le dáta.

Beidh an tréimhse idir nuashonraithe ar fhaisnéis chustaiméara de bhun na chéad fhomhíre ag brath ar an riosca a chruthaítear leis an ngaolmhaireacht gnó agus in aon chás ní rachaidh sí thar:

3.   Sa bhreis ar na ceanglais a leagtar amach i mír 2, déanfaidh eintitis faoi oibleagáid athbhreithniú ar an bhfaisnéis faoin gcustaiméir agus, i gcás inarb ábhartha, í a thabhairt cothrom le dáta i gcás:

4.   I dteannta an fhaireacháin leanúnaigh dá dtagraítear i mír 1 den Airteagal seo, fíoróidh eintitis faoi oibleagáid go tráthrialta an gcomhlíontar na coinníollacha a leagtar síos in Airteagal 20(1), pointe (d). Beidh minicíocht an fhíoraithe sin i gcomhréir le neamhchosaint an eintitis faoi oibleagáid agus na gaolmhaireachta gnó ar rioscaí nach gcuirfí smachtbhannaí airgeadais spriocdhírithe chun feidhme nó go ndéanfaí iad a sheachaint.

I gcás institiúidí creidmheasa agus institiúidí airgeadais, déanfar an fíorú dá dtagraítear sa chéad fhomhír nuair a dhéanfar aon ainmniú nua a bhaineann le smachtbhannaí airgeadais spriocdhírithe freisin.

Ní chuirfear ceanglais na míre seo in ionad na hoibleagáide maidir le smachtbhannaí airgeadais spriocdhírithe a chur i bhfeidhm ná ceanglais níos déine faoi ghníomhartha dlí eile de chuid an Aontais ná faoin dlí náisiúnta maidir le fíorú ar an mbonn cliant i gcoinne liostaí smachtbhannaí airgeadais spriocdhírithe.

5.   Faoin 10 Iúil 2026, eiseoidh AMLA treoirlínte maidir le faireachán leanúnach a dhéanamh ar ghaolmhaireacht gnó agus ar na hidirbhearta a dhéantar i gcomhthéacs gaolmhaireacht den sórt sin.