14.2 An próiseas dámhachtana

Ba cheart do ghnólachtaí infheistíochta stór bónais a chur ar bun. Agus stórtha bónais nó dámhachtainí aonair á gcinneadh, ba cheart do ghnólachtaí infheistíochta na rioscaí reatha, na caillteanais ionchasacha, na caillteanais mheasta gan choinne agus na dálaí struis uile a bhaineann le gníomhaíochtaí an ghnólachta infheistíochta a chur san áireamh. EBA Public

Ba cheart luach saothair inathraithe a dhámhachtain i ndiaidh dheireadh na tréimhse fabhraithe. Ba cheart bliain amháin ar a laghad i gceist leis an tréimhse fabhraithe. I gcás go n-úsáidtear tréimhsí níos faide, d’fhéadfadh tréimhsí fabhraithe éagsúla a bheith ann ag an am céanna, mar shampla más bliain atá i gceist, tosaíonn tréimhse ilbhliantúil nua gach bliain.

I ndiaidh na tréimhse fabhraithe, ba cheart don ghnólacht infheistíochta luach saothair inathraithe na mball foirne sainaitheanta aonair a chinneadh trí na critéir feidhmíochta agus na coigeartuithe riosca a aistriú go dámhachtainí luach saothair iarbhír. Le linn an phróisis dámhachtana sin, ba cheart don ghnólacht infheistíochta luach saothair a choigeartú i ndáil le forbairtí díobhálacha ionchasacha amach anseo (‘coigeartú riosca ex ante‘).