Raon feidhme

Tá feidhm ag na Treoirlínte seo i ndáil leis an bhfaisnéis ba cheart d’údaráis inniúla a bhailiú ó institiúidí agus gnólachtaí infheistíochta ar bhonn aonair maidir le cleachtais éagsúlachta ar leibhéal an chomhlachta bainistíochta, lena n-áirítear comhdhéanamh an chomhlachta bainistíochta, beartais éagsúlachta agus an bhearna phá idir na hinscní ar leibhéal an chomhlachta bainistíochta agus í a chur faoi bhráid ÚBE chun críocha na faisnéise sin a fhoilsiú ar leibhéal an Aontais agus de réir na tíre.

Tá feidhm leis na Treoirlínte ar bhonn aonair mar atá leagtha amach in Airteagal 6 go dtí Airteagal 10 de Rialachán (AE) Uimh. 575/2013 agus in Airteagal 5 agus Airteagal 6 de Rialachán (AE) 2019/2033.