IARSCRÍBHINN VII FAISNÉIS ATÁ LE hÁIREAMH SA RÉAMHEOLAIRE EISIÚNA FÁIS AE LE hAGHAIDH SCAIREANNA AGUS URRÚIS INAISTRITHE EILE ATÁ COIBHÉISEACH LE SCAIREANNA I gCUIDEACHTAÍ

---

IARSCRÍBHINN VII

FAISNÉIS ATÁ LE hÁIREAMH SA RÉAMHEOLAIRE EISIÚNA FÁIS AE LE hAGHAIDH SCAIREANNA AGUS URRÚIS INAISTRITHE EILE ATÁ COIBHÉISEACH LE SCAIREANNA I gCUIDEACHTAÍ

I.   Achoimre

Ní mór achoimre arna tarraingt suas i gcomhréir le hAirteagal 7(12a) a áireamh sa réamheolaire eisiúna fáis AE.

II.   Faisnéis faoin eisitheoir

An chuideachta a eisíonn na scaireanna a shainaithint, lena n-áirítear áit chlárúcháin an eisitheora, a huimhir chlárúcháin agus a haitheantóir eintitis dhlítheanaigh (“LEI”), a hainm dlíthiúil agus tráchtála, an reachtaíocht faoina n-oibríonn an t-eisitheoir, tír a corpraithe, seoladh, uimhir theileafóin a hoifige cláraithe (nó a príomháit ghnó murab ionann í agus a hoifig chláraithe) agus an suíomh gréasáin, más ann dó, agus séanadh á chur leis nach cuid den réamheolaire eisiúna fáis AE an fhaisnéis ar an suíomh gréasáin mura ndéantar an fhaisnéis sin a chorprú trí thagairt sa réamheolaire eisiúna fáis AE.

III.   Ráiteas freagrachta agus ráiteas faoin údarás inniúil

A.   Ráiteas freagrachta

Na daoine atá freagrach as tarraingt suas an réamheolaire eisiúna fáis AE a shainaithint agus ráiteas ó na daoine sin a chur san áireamh ina ndeirtear, ar feadh a n-eolais féin, go bhfuil an fhaisnéis atá sa réamheolaire eisiúna fáis AE i gcomhréir leis na fíricí agus nach bhfuil aon easnamh sa réamheolaire eisiúna fáis AE a d’fhéadfadh difear a dhéanamh dá bhrí.

I gcás inarb infheidhme, ní mór faisnéis a bheith sa ráiteas ó thríú páirtithe, lena n-áirítear foinse/foinsí na faisnéise sin, agus ráitis nó tuarascálacha a luaitear le duine mar shaineolaí agus na sonraí seo a leanas ón duine sin:

B.   Ráiteas faoin údarás inniúil

Ní mór a léiriú sa ráiteas an t-údarás inniúil a d’fhormheas an réamheolaire eisiúna fáis AE, i gcomhréir leis an Rialachán seo, agus ní mór a shonrú ann nach formhuiniú de chuid an eisitheora é an formheas sin ná ar cháilíocht na scaireanna lena mbaineann an réamheolaire eisiúna fáis AE, nár fhormheas an t-údarás inniúil réamheolaire eisiúna fáis AE ach amháin as caighdeáin na hiomláine, na sothuigtheachta agus na comhsheasmhachta a fhorchuirtear leis an Rialachán seo a bheith á gcomhlíonadh aige, agus sonrófar ann gur tarraingíodh suas an réamheolaire eisiúna fáis AE i gcomhréir le hAirteagal 15a.

IV.   Tosca riosca

Comhthacófar na rioscaí leis an inneachar réamheolaire eisiúna fáis AE.

Tuairisc a thabhairt ar na rioscaí ábhartha, i líon teoranta catagóirí, a bhaineann go sonrach leis an eisitheoir agus tuairisc ar na rioscaí ábhartha, i líon teoranta catagóirí, a bhaineann go sonrach leis na scaireanna atá á dtairiscint don phobal agus/nó a ligtear isteach chun a dtrádála ar mhargadh rialáilte, i roinn dar teideal “Tosca riosca”.

V.   Straitéis fáis agus forbhreathnú gnó

A.   Straitéis fáis agus cuspóirí

Tuairisc ar straitéis ghnó an eisitheora, lena n-áirítear acmhainneacht fáis agus ionchais don todhchaí, agus cuspóirí straitéiseacha (idir chuspóirí airgeadais agus chuspóirí neamhairgeadais, más ann dóibh). Cuirfear san áireamh sa tuairisc sin na dúshláin agus na hionchais a bheidh roimh an eisitheoir amach anseo.

B.   Príomhghníomhaíochtaí agus príomh-mhargaí

Tuairisc ar phríomhghníomhaíochtaí an eisitheora, lena n-áirítear an méid seo a leanas: (a) príomhchatagóirí na dtáirgí a dhíoltar agus/nó na seirbhísí a dhéantar; (b) léiriú ar aon táirge, seirbhís nó gníomhaíocht nua shuntasach a tugadh isteach ó foilsíodh na ráitis airgeadais iniúchta is déanaí. Tuairisc ar na príomh-mhargaí ina mbíonn an t-eisitheoir san iomaíocht, lena n-áirítear fás an mhargaidh, treochtaí agus staid iomaíoch.

C.   Infheistíochtaí

A mhéid nach gcumhdaítear in aon áit eile sa réamheolaire eisiúna fáis AE, tuairisc a thabhairt, (lena n-áirítear an méid) ar infheistíochtaí ábhartha an eisitheora ó dheireadh na tréimhse a chumhdaítear leis an bhfaisnéis airgeadais stairiúil a áirítear sa réamheolaire eisiúna fáis AE suas go dtí dáta an réamheolaire eisiúna fáis AE agus, más ábhartha, tuairisc a thabhairt ar aon infheistíocht ábhartha de chuid an eisitheora atá idir lámha nó a bhfuil gealltanais dhaingne déanta ina leith cheana.

D.   Réamhaisnéisí brabúis agus meastacháin ar bhrabús

I gcás inar fhoilsigh eisitheoir réamhaisnéis brabúis nó meastachán ar bhrabús atá fós gan íoc ach atá bailí, cuirfear an réamhaisnéis nó an meastachán sin san áireamh sa réamheolaire eisiúna fáis AE.

Más rud é gur foilsíodh réamhaisnéis brabúis nó meastachán ar bhrabús agus atá fós gan íoc, ach nach bhfuil bailí a thuilleadh, cuirfear ráiteas ar fáil chuige sin mar aon le míniú ar an bhfáth nach bhfuil an réamhaisnéis nó an meastachán sin bailí a thuilleadh.

VI.   Struchtúr eagraíochtúil

Más cuid de ghrúpa é an t-eisitheoir agus mura gcumhdaítear é in áit eile sa réamheolaire eisiúna fáis AE agus a mhéid is gá chun tuiscint a chur ar ghnó an eisitheora ina iomláine, léaráid den struchtúr eagraíochtúil.

VII.   Rialachas corparáideach

An fhaisnéis seo a leanas a sholáthar do chomhaltaí na gcomhlachtaí riaracháin, bainistíochta agus/nó maoirseachta, d’aon bhainisteoir sinsearach atá ábhartha maidir lena shuíomh go bhfuil an saineolas agus an taithí iomchuí ag an eisitheoir chun gnó an eisitheora a bhainistiú, agus, i gcás comhpháirtíocht theoranta le scairchaipiteal, comhpháirtithe ag a bhfuil dliteanas neamhtheoranta:

VIII.   Faisnéis airgeadais

Na ráitis airgeadais (bliantúil agus leathbhliantúil) a foilsíodh thar an tréimhse 12 mhí sula bhformheasfar an réamheolaire eisiúna fáis AE. I gcás inar foilsíodh ráitis airgeadais bhliantúla agus leathbhliantúla araon, ní mór na ráitis bhliantúla agus iad sin amháin a cheangal i gcás ina bhfoilsítear iad tar éis na ráiteas airgeadais leathbhliantúil.

Ní mór iniúchóireacht neamhspleách a dhéanamh ar na ráitis airgeadais bhliantúla. Ní mór an tuarascáil iniúchóireachta a ullmhú i gcomhréir le Treoir 2006/43/CE agus Rialachán (AE) Uimh. 537/2014.

I gcás nach bhfuil feidhm ag Treoir 2006/43/CE agus Rialachán (AE) Uimh. 537/2014, ní mór iniúchóireacht a dhéanamh ar na ráitis airgeadais bhliantúla nó iad a thuairisciú i dtaobh cé acu, chun críocha an réamheolaire eisiúna fáis AE, a thugann siad léargas fírinneach cothrom i gcomhréir le caighdeáin iniúchóireachta is infheidhme i mBallstát nó caighdeán coibhéiseach nó nach dtugann. Murach sin, ní mór an fhaisnéis seo a leanas a chur san áireamh sa réamheolaire eisiúna fáis AE:

I gcás ina bhfuil tuarascálacha iniúchóireachta ar ráitis airgeadais bhliantúla diúltaithe ag na hiniúchóirí reachtúla nó i gcás ina bhfuil cáilíochtaí, modhnuithe tuairime, séantaí nó béim ar ábhar iontu, ní mór an fáth a thabhairt, agus ní mór na cáilíochtaí, modhnuithe, séantaí nó béim ar ábhar a atáirgeadh ina n-iomláine.

Ina theannta sin, ní mór a chur san áireamh tuairisc ar aon athrú mór ar riocht airgeadais an ghrúpa atá tarlaithe ó dheireadh na tréimhse airgeadais deireanaí ar ina leith a foilsíodh ráitis airgeadais iniúchta nó faisnéis airgeadais eatramhach, nó ní mór a chur san áireamh ráiteas airgeadais diúltach iomchuí.

I gcás inarb infheidhme, ní mór faisnéis pro forma a chur san áireamh freisin.

IX.   Tuarascáil bhainistíochta lena n-áirítear, i gcás inarb infheidhme, an tuairisciú inbhuanaitheachta (eisitheoirí ag a bhfuil caipitliú margaidh os cionn EUR 200 000 000 amháin)

Ní mór an tuarascáil bhainistíochta dá dtagraítear i gCaibidlí 5 agus 6 de Threoir 2013/34/AE le haghaidh na dtréimhsí a chumhdaítear leis an bhfaisnéis airgeadais stairiúil lena n-áirítear, i gcás inarb infheidhme, an tuairisciú inbhuanaitheachta a chorprú, de rogha air sin, trí thagairt nó ní mór an fhaisnéis atá inti a áireamh sa réamheolaire eisiúna fáis AE.

Níl feidhm ag an gceanglas sin ach amháin maidir le heisitheoirí a bhfuil caipitliú margaidh os cionn EUR 200 000 000 acu.

X.   Beartas díbhinne

Tuairisc ar bheartas an eisitheora maidir le dáileacháin díbhinne agus aon srian reatha orthu, agus maidir le hathcheannaigh scaireanna.

XI.   Sonraí a bhaineann leis an tairiscint nó leis an ligean isteach chun trádála

Praghas na tairisceana, líon na scaireanna a thairgtear, méid na heisiúna nó na tairisceana, na coinníollacha a bhfuil an tairiscint faoina réir a leagan amach, agus an nós imeachta chun aon cheart réamhcheannaigh a fheidhmiú. Mura bhfuil an méid socraithe, léiriú ar uasmhéid na scaireanna atá le tairiscint (má tá siad ar fáil) agus tuairisc ar na socruithe agus an tréimhse ama chun méid cinntitheach na tairisceana a fhógairt don phobal.

Faisnéis a sholáthar maidir leis an áit a bhféadfaidh infheisteoirí suibscríobh do na scaireanna nó a gceart réamhcheannaigh a fheidhmiú, fad thréimhse na tairisceana, lena n-áirítear aon leasú féideartha air agus tuairisc ar an bpróiseas iarratais mar aon le dáta eisiúna na scaireanna nua.

A mhéid is eol don eisitheoir, faisnéis a sholáthar maidir le cibé acu atá nó nach bhfuil sé ar intinn ag mór-scairshealbhóirí nó ag comhaltaí de chomhlachtaí bainistíochta, maoirseachta nó riaracháin an eisitheora suibscríobh le haghaidh na tairisceana, nó atá nó nach bhfuil sé ar intinn ag aon duine suibscríobh le haghaidh níos mó ná 5 % den tairiscint.

Aon ghealltanas daingean a chur i láthair chun suibscríobh le haghaidh níos mó ná 5 % den tairiscint agus gach gné ábhartha de na comhaontuithe láithrithe agus socrúcháin, lena n-áirítear ainm agus seoladh na n-eintiteas a aontaíonn an eisiúint a láithriú ar bhonn gealltanas daingean nó faoi shocruithe “seandíchill” agus na cuótaí.

I gcás inarb infheidhme, an margadh fáis FBManna nó an MTF ina bhfuil na hurrúis le ligean isteach chun a dtrádála agus, más eol, na dátaí is luaithe ar a ligfear na hurrúis isteach chun a dtrádála a léiriú.

I gcás inarb infheidhme, mionsonraí faoi aon eintiteas a thugann gealltanas daingean gníomhú mar idirghabhálaithe i dtrádáil thánaisteach, agus leachtacht á soláthar trí rátaí tairisceana agus ofrála agus tuairisc ar phríomhthéarmaí a ngealltanais.

XII.   Faisnéis fhíor-riachtanach maidir leis na scaireanna

An fhaisnéis fhíor-riachtanach seo a leanas a sholáthar maidir leis na scaireanna a thairgtear don phobal:

XIII.   An chúis atá leis an tairiscint agus úsáid fáltas

Faisnéis a sholáthar maidir leis na cúiseanna atá leis an tairiscint agus, i gcás inarb infheidhme, glanmhéid measta na bhfáltas arna mbriseadh i ngach príomhúsáid bheartaithe agus arna gcur i láthair in ord tosaíochta na n-úsáidí sin.

I gcás inarb eol don eisitheoir nach leordhóthanach a bheidh na fáltais a bhfuiltear ag súil leo chun na húsáidí beartaithe uile a chistiú, ní mór dó líon agus foinsí na gcistí eile atá ag teastáil a lua. Ina theannta sin, ní mór sonraí a thabhairt maidir le húsáid na bhfáltas, go háirithe i gcás ina bhfuil fáltais á n-úsáid chun sócmhainní a fháil, seachas i ngnáthchúrsa gnó, chun éadálacha fógartha gnó eile a mhaoiniú, nó chun féichiúnas a urscaoileadh, a laghdú nó a aistarraingt.

Míniú a sholáthar ar an gcaoi a n-ailíníonn na fáltais ón tairiscint leis an straitéis ghnó agus leis na cuspóirí straitéiseacha.

XIV.   Ráiteas caipitil oibre

Ráiteas ón eisitheoir gur leordhóthanach, dar leis, é an caipiteal oibre le haghaidh cheanglais reatha an eisitheora nó, mura bhfuil sé leordhóthanach, ráiteas i dtaobh conas atá sé beartaithe ag an eisitheoir an caipiteal oibre breise atá ag teastáil a sholáthar.

XV.   Coinbhleachtaí leasa

Faisnéis a sholáthar faoi aon leas a bhaineann leis an eisiúint, lena n-áirítear coinbhleachtaí leasa, agus mionsonraí na ndaoine lena mbaineann agus cineál na leasanna.

XVI.   Caolú agus scairshealbhóireacht tar éis na heisiúna

Comparáid a chur i láthair maidir leis an rannpháirtíocht i scairchaipiteal agus cearta vótála do scairshealbhóirí atá ann cheana roimh an méadú caipitil a eascraíonn as an tairiscint phoiblí agus dá éis, leis an toimhde nach suibscríobhann scairshealbhóirí atá ann cheana le haghaidh na scaireanna nua, agus, ar leithligh, leis an toimhde nach mbaineann siad leas as a dteidlíocht.

XVII.   Na doiciméid atá ar fáil

Léiriú ar an suíomh gréasáin ina bhféadfar cigireacht a dhéanamh ar na doiciméid.

Ráiteas gur féidir cigireacht a dhéanamh ar na doiciméid seo a leanas, i gcás inarb infheidhme, ar feadh théarma an réamheolaire eisiúna fáis AE: