Airteagal 44 6.

údarás inniúil idirthurais na tíre nach bhfuil feidhm ag Cinneadh ECFE maidir léi, beidh 60 lá aige ó dháta tharchur a admhála go bhfuair sé an fógra atá comhlánaithe i gceart, chun toiliú intuigthe a sholáthar nó chun toiliú i scríbhinn a thabhairt le coinníollacha nó gan choinníollacha, i gcás ina bhfuil cinneadh déanta ag an tír lena mbaineann nach n-éileoidh sí réamhfhógra agus réamhthoiliú i scríbhinn agus i gcás inar chuir an tír na Páirtithe i gCoinbhinsiún Basel ar an eolas faoin méid sin i gcomhréir le hAirteagal 6(4) den Choinbhinsiún sin;

an t-údarás inniúil seolta san Aontas, ní dhéanfaidh sé cinneadh toiliú leis an loingsiú dá dtagraítear in Airteagal 9 ach tar éis dó toiliú intuigthe nó i scríbhinn a fháil údarás inniúil idirthurais na tíre nach bhfuil feidhm ag Cinneadh ECFE maidir léi, agus tráth nach luaithe ná 61 lá tar éis an dáta a sheoltar admháil fála fógra atá comhlánaithe i gceart ag údarás inniúil idirthurais lasmuigh den Aontas, ach amháin má tá toiliú i scríbhinn na n-údarás inniúil eile lena mbaineann faighte ag an údarás inniúil seolta, agus sa chás sin, féadfaidh sé an cinneadh dá dtagraítear in Airteagal 9 a dhéanamh roimh an teorainn ama sin.